Mizoram State Road Safety Council in a rel angin, ni 12 - 18 February, 2018 chhung hian Mizoram pumah 29th Road Safety Week hman leh tur a ni.

Week hawnna hun chu ni 12.2.2018 Thawhtan hian Pu John Rotluangliana, Hon’ble Transport Minister ho in hman a ni ang. Kum 2018 Road Safety Week thupui atan hian ‘Drive Safely, save lives’ (Khalh fimkhur hi, nun chhanhimna a ni) tih chu thlan a ni a. He Road Safety Week chhung hian Transport Department leh Police tangkawp in ‘No Tolerance’ an hmang leh dawn a, mipuite fimkhur turin min chah a ni.

He Road Safety Week chhung vek hian awareness pakhat atan flag pawh zawrh chhuah leh tur a ni a, lirthei neitu zawng zawng te leisak tura ngen kan ni bawk.