144/2024-2025 

Aizawl, 10.04.2024: Vawiin khan Aizawl DC Conference Hall-ah Lok Sabha inthlanpui lo awm tur atana candidate te sum hman dan enfiahin Expenditure Observer Pu Arvind Sharma leh Pi Anita Rinesh hovin Second Inspection of Registers neih a ni.

Expenditure Observer te chuan expenditure agent te chu an rinawm leh fimkhur takin sum vawng zui zel turin nan chah a. A theih chin chinah sumfai, cash transaction hmang lovin cheque emaw online transaction hmang uar turin a ti a ni.

Vawiin hian Candidate aiawhte sum chevel leh an sum hman dan an expenditure agent ten an lo chhinchhiah leh accounting team atana DEO in a ruat te register enfiah in sawiho ngai te sawiho a ni a. Candidate ten an aiawh a sum vawngtu an ruat Expenditure Agent te chu sum hmanna register hrang hrang - day to day te accounts, cash register, bank register leh bank statement leh voucher zawng zawng te enfiah a ni a. Assistant Expenditure Observer leh Accounting Team ten an lo enfiahna atana candidate te sum sen an lo chhinchhiahna Shadow Observation Registers leh Folder of Evidence te keng bawkin sum sen leh chhinchhiah dan enfiah a ni.

He meetingah hian DEO Pi Nazuk Kumar bakah Expenditure Monitoring Nodal Officer leh Assistant Nodal te an tel bawk a ni.