4530/2023-2024

Aizawl, 10.4.2024: General Election to Lok Sabha 2024 atana inpuahchahna kal zelah vawiin khan Aizawl District chhunga inthlanna a hman tur EVM (Electronic Voting Machine) leh VVPAT (Voter Verifiable Paper Audit Trail) te chu hman tura buatsaihna - commissioning neih tan a ni.

Political party aiawhte enpui naah Strong Room hawngin EVM te hi lakchhuah an ni a. 2nd  Randomization, nimin (9.4.2024) a neih taka Polling station tina EVM hman tur theuh semdarh a nih ang zelin Polling station number leh hming te chu EVM-ah tar/bel a ni nghal a, Ballot paper te chu Ballot unit-ah an dah vek a ni bawk. EVM buatsaih fel sate hi a dik ngei a ni tih finfiah nan vote thlak chhin zel a ni.

EVM Commissioning hi Aizawl district tan vawiin April ni 10 atanga ni 13, 2024 chhung DC office leh GAC, Sikulpuikawn ah te kalpui a ni ang.