345/2024-2025 

Aizawl the 24th April, 2024 : Nizan dar 6:30 khan Vanapa Hall-ah Mizoram Film Development Society leh Information and Public Relations Department, Govt. of Mizoram tangkawpin 2nd Mizoram Film Awards, 2024 an buatsaih a, he hunah hian Dr. Kenneth Chawngliana, Vice Chairman, Mizoram State Planning Board chu khuallian (chief guest) niin Er. F. Sanglura, Executive Engineer, PHE Department chu khual zahawm (guest of honour) a ni bawk.

Session pahnih a then niin session hmasa zawkah hian red carpet hawn a ni a, Esther Lalmuanpuii chu host-ah a tang. Session hnuhnung zawkah lawmman semna hun hman a ni a, Mizoram Film Development Society hruaituten an kaihruai. Khuallian Dr. Kenneth Chawngliana chuan thu sawiin Mizoramah film changkang leh lemchang thiam tak tak kan neih hi lawmawm a tih thu a sawi a. Eizawnna puitling a nih zel theih nan film siamtute tan la zel turin a fuih a, Mizoram ti hmingthatu an nih theih ngei a beisei thu a sawi bawk. Ani bakah hian khual zahawm Er. F. Sanglura chuan thu a sawi bawk a, technical report Mizoram Film Development Society atangin ngaihthlak a ni bawk.

Film awards dawngtute:

1) Best Feature Film - Nunna Thar
2) Best Short Feature Film - Zu Vangin Maw
3) Best Horror/Thriller Film - Nutei Thingpui Dawr
4) Best Educational Film - Ka U Liana
5) Best Director - Mapuia Chawngthu
6) Best Action Director - T.C. Lalrinsanga
7) Best Actor - Tommy Rosangliana
8) Best Actress - Ruthy Chenkual
9) Best Supporting Actor - David L. Sangmuana
10) Best Supporting Actress - Dr. Louis Hauhnar
11) Best Child Artiste - Samson Vanlaltanpuia
12) Best New Actor - Zohmingliana
13) Best New Actress - Florence Vanlalhriatzuali
14) Best Villain Actor - Aaron Malsawmdawngzuala
15) Best Villain Actress - Assy Chhangte
16) Best Male Comic - Zorammawia
17) Best Female Comic - H. Zorampari
18) Best Costume - Laltheri
19) Best Make-up - Nunna Thar
20) Best Cinematography - The Ghost Hunter
21) Best Editing - Nunna Thar
22) Best Script Writer - C. Hmingthangvunga
23) Best Dialogue - P.C. Lallawmzuali
24) Best Original Soundtrack - Laltheri
25) Best Music Video - Wendy Zaithanpuii
26) Lifetime Achievement - Lalawmpuia Khiangte