Nimin (27.6.2019) khan Siamliana Hall, Mamit-ah 30th Road Safety Week 2019 hawnna Dr Lalrozama, IAS, Chairman, District Road Safety Committee/District Bawrhsap chuan a nei.

Dr Lalrozama chuan Road Safety Week vawi 30-na lai kan lo hmang ta a, lirthei laka himna chungchangah inzirtirna vawi tam tak neih a ni tawh a, ruichunga motor kan khalh vang leh kan fimkhur tawk loh avangte'n kan nunna hlu tak kan chan thin a, India ramah nitin mi 400 vel lirthei chetsual avangin nunna chan kan awm mek zel a ni a ti. Road Safety Week hman a nih chhungin Lirthei khaltute, an hun neihdan mil ang zelin, zirlai naupang leh mipuite tan a tam thei ang ber inzirtirna neih a ni dawn a. Nitina mipui phurtute a bikin Maxi Cab Drivers leh Taxi Drivers-te chu mipui nunna an kuta awm a ni tih an hriat a, dan leh thupek zawm kawngah leh ruichunga motor khalh loh bakah kan motor dinhmun enchiang thin turin a chah a ni.

Mipui tana him tawk lova motor khalh leh chuan ngam loh khawpa ruichunga khalh an awm a nih chuan amah pawh be pawp ngam tura chahin, Mamit khawpui chhungah pawh khawi hmunah nge lirthei chetsualna a thlen zinna lai tihte leh hmalak ngaihna tur laite pawh lo zirchiang turin a chah bawk.

Road Safety Week hawnna hun hi Pu C. Lalawmpuia, District Transport Officer chuan kaihruaiin Mamit khawpui chhunga Maxi Cab Drivers, Taxi Drivers leh Owners hruaitute bakah Sawrkar Department aiawhte, tlawmngai pawl aiawhte bakah khawtlang hruaitute an tel a ni.

Attachment

  • Loading attachment...