Nimin (27.6.2019) chawhma dar 7:00Am khan Traffic Point, Siaha Bazar-ah 30th Road Safety Week* hawnna programme  hman a ni a. Programme hi Pi.B.Malsawmtluangi, DTO in  kaihruaiin,Pu R.Lalremsanga Addl.DC chuan khuallian niin 30th Road Safety Week hi a hawng ta a ni.

Khuallian Pu Marema chuan thu sawiin, Lirthei chetsualna tam zawk hi a khawl lam chiankuan lovang a ni lova, a thununtu mihring lam zawk kan fimkhur tawk thin loh avanga thleng a ni. Lirthei chetsualna  pumpelh tur hian  Driver, passenger leh mipui ten, kan za vaia tan kan lak ho a,  Traffic rules te kan zawm that a, tih tur leh tihloh tur Rules ina min hrilh hi tha takin zawm i tum theuh ang u,  tiin kalkhawm te a sawm a ni.

Pu David Thanseia'n Tracfic Rules chungchangah thusawina hun a hmang a. Pi Kimi, Staff Nurse, District Hospital in Chetsualna lo thlen thula First Aid pek dan entirna hun a hmang bawk.Lalrinliana Pachuau MVI, Siaha pawhin DTO enforcement wing lam hnathawh leh Driver  leh mipui mimirin kan hriattur pawimawh hrang hrang te sawina hun a hmang  bawk a ni.

30th Road Safety Week programme-ah hian Category 4-ah Best Driver thlanchhuah te hnenah Chawimawina Thuziak leh Tangkafai Rs.1000/- theuh an hlan bawk a ni.

Best Driver te chu:-

1)  Taxi-ah L. David Thanga S/o L.Lunghnema

2) Maxi Cab-ah TBC.Lallawmzuala S/o Lalrinawma

3) Govt Driver-ah Ngunchunga S/o Thanhlira, Police Dept

4) Auto Rickshaw-ah Solomon S/o C.Dawkho te an ni

Road safety programme-ah hian Traffic Rules zawm tha tura Thutiam(pledge), Pu VK.Hlychho, Enforcement staff, DTO office in mipui te a lak tir bawk.

Programme tawpah Pledge  Signature Board-ah Mipui ten Traffic Rules kan zawm tha ang tihin, signature an pe hlawm bawk a ni.

 30th Road Safety   pual hian zirlai naupang ten placard kengin  *Road Safety Rally*  an nei bawk a ni.