Nimin (27.6.2019) khan Pu Sangdingliana, IAS, Secretary, I&PR Deptt chuan Mamit DIPRO Office leh an hmunhmate a tlawh.

I&PR Secretary hi Pu Paul Rokima, DIPRO, Mamit-in lo dawngsawngin an Department chanchin, an hmalakna leh an harsatnate a lo thlen a. I&PR Secretary chuan Information Department-in Mamit-a Office building tha tak leh ram tha tak an nei chu lawmawm a tih thu leh hetianga hmunhma tha nei reng tura tha taka humhalh zel a pawimawh thu sawiin DIPRO-in an Office mamawh leh harsatna hrang hrang a lo thlente chu a theih ang anga bawhzui a nih dawn thu a sawi.

I&PR Secretary hian Pu Paul Rokima'n lirthei chungchanga harsatna a lo thlen chu an hnathawhna atana pawimawh tak anih avangin tunah hian bawhzui mek a ni a. A rang lama peihfel a beisei thu a sawi a ni.