Luidung sangha humhalh nan, sangha dangte tana himlo Clarias Gariepinus( Mizo ten magur) kan tih mai suat dan tur Inspection Team te'n nimin (27.6.2019) khan Pu H.D Lalpekmawia, SDO(S) hovin a office chamber-ah  rel a ni.

Meeting hian heng sangha suat hna thawk tur Inspection Team te'n naktuk hian Zawlnuam leh Kanhmun-a tuikhuahte ah te a suat hna thawh nise tih a ni a, Mamit District chhunga tuikhuah dangah te pawh a tahtawla hmalak chhoh zel nise tih a ni bawk.

Pi C.Lallianpuii, DFDO chuan Clarias Gariepinus chungchang leh an pianzia leh sangha dangte tana an himlohna sawifiahin Mizo te'n Magur kan tih mai  Garias Gariepinus hi ramdang  atanga lakluh a ni a, an thang duangin an pung chak hle a, Tui a len changin tuikhuah atangin luidungah an vak darh ta thin a ni, An mahni hi an chakin an tuan a rang hle a, an damtheihna sik leh sa pawh Sangha dang aiin a sang zawk hle a ni a ti,  luidunga an chhuahin sangha dangte an ei mai bakah an punchak em avangin kan rama luidung sangha te a chimral a hlauhawm thin avangin, sangha dangte tan a himlo hle a ni tiin,  Mamit District chhunga tuikhuahah te a suat hna thawh tum chhoh zel  a nih dawn thu a sawi.

Meeting-ah hian SDPO, thutharthehdarhtute bakah Fisheries Department a thawktute an tel a ni.