1846/2023-2024

Lunglei, the 12th September, 2023: Vawiin chawhma dar 10:00 khan Sertlangpui Community Hall-ah 32-Lunglei West A/C Sertlangpui leh a chhehvel khaw hrang hrang chhunga Family Oriented  SEDP 2nd Phase Beneficiary  te tana buatsaih Sensitization & Briefing Programme-ah bialtu MLA leh Hon'ble Minister for Agriculture, I&WR, Cooperation Department ni bawk Pu C. Lalrinsanga chuan khuallian niin a hman pui a, programme hi Pu B. Lalrinmawia, Block Agriculture Officer in a kaihruai a ni.

Vawiin programme-ah hian Khuallian Pu C.Lalrinsanga chuan thu sawiin, Covid 19 hrileng avangin Mizoram chauh nilo, India sawrkar laipui leh khawvel sawrkar lian zawk te pawhin harsatna namen lo an tawk a, chu harsatna atanga talchhuah tum chuan theihtawp chhuahin an la bei reng a ni. Chutiang harsatna karah chuan Mizoram sawrkar pawhin a flagship programme SEDP tih hlawhtlin nan theitawp chhuahin hma a la tang tang a. Tunah hian 1st Phase-ah 1st leh 2nd Installment a sem chhuak tawh a, vawiinah hian 2nd Phase-a 1st Installment a semchhuah leh theih dawn ta a ni. 3rd Phase te pawh kalpui leh thuai turin ruahmanna siam mek a ni a. 1st Phase-a 3rd Installment  te, 2nd  Phase-a 2nd Installment  te pawh a tahtawlin kan la sem zel dawn a ni, a ti a. Line Dept thenkhat hnuaia trade thenkhatah phei chuan cheng nuai 3 kan release tawh te pawh a awm a. Flagship programme SEDP hnuaiah hian vawikhatah cheng nuai 3 hi inpek theih a ni lova, a tahtawla nuai 3 hi semchhuak turin ruahmanna siam a ni, a ti.

Khuallian chuan hetianga Sensitization leh Briefing programme kan buatsaihna chhan chu beneficiary te Bank Account a sawrkarin pawisa a dahluh ringawt chuan beneficiary ten SEPD tanpuina an dawn hi an duh duhnaa an hman palh mai  a hlauhawm a. A hmanna tur dik taka beneficiary ten an lo hmana, eizawnna ngialnghet leh an khawsak dinhmun tihthat zawk nana an hman ngei theih nan mumal taka infuihna hun atana buatsaih a nih thu a sawi. Mi rinawm, mi dik leh taima te chu an thiltihah an hmuingilin malsawmna pawh an dawng thin a. Chuvangin SEDP 2nd  Phase-a tanpuina dawngtu te pawhin  rinawm tak leh taima taka an tanpuina dawn chu hmang tangkai a, dinchhuahpui nana hmang theuh turin a fuih hlawm a ni. Sazaikawn to Buarpui kawng siamna tur pawisa pawh    approve tawh niin a sawi bawk a ni.

Vawiina 32-Lunglei West A/C chhung atanga 2nd Phase-a SEDP tanpuina dawng tur 107 beneficiary te hian APR-ah an signature an pek vek hnuah, an Bank Account-ah Rs.25,000/- theuh dahluh sak an ni ang a. APR a signature an pek lai  hian an voter ID leh Bank account  te fimkhur taka endik thlap a ni bawk ang. 32-Lunglei West A/C hnuaiah hian a hnuai ami ang hian Beneficiary an awm mek a ni.

Vawiin a SEDP 2nd Phase Sensitization  & Briefing Programme ah hian Sertlangpui leh a chheh vel khaw hrang hrang Ṭhuampui,  Kawlhawk, Serte te an ni.

1) AH&Vety Department                                  -86 

2) Commerce &Industries Department            -2

3) Agriculture Department                               -4

4) Horticulture Department                             -15