1847/2023-2024

Aizawl, the 12th September 2023: Vawiin chawhma khân Durtlânga Jeriko Khualbûk-ah Mizoram EIACP Hub, Mizoram Pollution Control Board leh Women’s Polytechnic Aizawl (WPA), Durtlâng tangkawp chuan Mission LiFE programme hnuaiah Workshop on Trash to Treasure hlawhtling takin an buatsaih.

He workshop hi Pi C. Malsawmzuali, Scientist ‘B’, Mizoram Pollution Control Board-in kaihruaiin Mission LiFE chungchâng a sawifiah bâkah Mizoram EIACP Hub leh Mizoram Pollution Control Board-te’n Mission LiFE châwi lâr nâna programme hrang hrang a kalpuite ngaihthlâk a ni a, he hun hmangtu zawng zawngte hian Mission LiFE thu tiam lâkna an nei nghal bawk a ni.

He workshop-ah hian Jeriko Khualbûk-a awmte hnênah Single Use Plastics (Hman khat daih sarâng) chi hrang hrang bawlhhlawh/hman hnû atanga hmanraw pawimawh leh tangkai zâwk, sumdâwnna atân leh eizawnna atân pawha hman zui theih tur siam chhuah dân zirtirna hun Garment Technology Department, WPA 5th Semester zirlaite’n an nei a ni.