1848/2023-2024

Mamit 12th September, 2023 : Vawiin khan Mamit District Water & Sanitation Mission Chairman Pu VL Remliana hovin Mamit District ODF Plus a puan a nih lawmna tur chungchang Mamit DC Conference Hall-ah rel a ni.

ODF Plus lawm dan tur relna-ah hian Chairman Pu VL Remliana chuan, khawpui faina chungchangah Village Council hmalakna hrang hrangte, tlawmngaipawl leh kohhran, mimal leh chhungkaw hrang hrang inpekna-ah lawmthu a sawi a. Mamit District chuan faina lamah hmasawn zelin Mizoram-ah a hmasa ber atan July ni 13, 2023 khan Mamit District chu ODF Plus a puan a nih thu a tarlang a, heng bakah hian Jal Jeevan Survekshan 2023 hnuaiah India ram a Aspirational District zawng zawng zingah Fastest Moving Aspirational District a puan a nih thu sawiin, Performance Archievers lawmman 2-na a dawn bawk thu a sawi bawk a ni.

Mamit ODF Plus a nih lawmna hi Chhimveng YMA Hall-ah September ni 29, 2023-ah neih tum ni se, Mamit Constituency chhunga VC zawng zawngte chawimawina hlan rel a ni a, mipui a tam thei ang ber kalkhawm tura sawm ni se, faina inzirtirna uar lehzuala neih ni se tih pawm tlan a ni.