No.7581/2020-2021
Vawiin khan DC Conference Hall Mamit-ah Mizoram State kan nih champha kum 34-na lawmna hun hman a ni a. Pu R. Vanlalsawta, Addl.DC Mamit chuan khuallian niin he hun hi a hmanpui.
Khuallian chuan State thankin kan nih tawh angin hnam ropui leh puitling tak kan nih theihna turin theihtawpchhuah zel ila, kan pi leh pute'n ram min lo sah kuaksak tawh chu a enkawl hna tha takin i thawk chhunzawm zel ang u tiin Sorkar hnathawkte chu mipui rawngbawl kan ni a, keimahni hma zawn theuhah taima tak leh inpumpek lehzualna nena kan hna theuhte thawk turin vawiina kalkhawmte chu a sawm a ni.
Pu H. Ramdinpuia, Associate Professor, Dept.of Political Science, Govt. Mamit College chuan Mizoram State ni tura a historical background tlangpui kalkhawmte hnenah a sawi bawk.
He hun hi Pu C.L. Thantluanga, President, MUP District Headquarters, Mamit chuan kaihruaiin Pastor C. Laltharzuala, Chairman, KHJC Mamit chuan hunserh a hmang a. Pu Paul Rokima, DIPRO Mamit chuan lawmthu sawina a nei a ni.
He hunah hian Mamit khawpui chhunga Head of Offices, NGO hruaitute leh khawtlang hruaitute bakah thutharthehdarhtute an tel a ni.
Attachment
- Loading attachment...
