Vawiin chawhma khan Science Promotion Wings of SCERT Mizoram buatsaihin Lunglei Govt. High School ah 36th State Level Student Science, Mathematics and Enviroment Exhibition neih a ni a. Pi Malsawmthangi, Director, SCERT chu khuallian a ni.

Inkhawm hi Lalrambuatsaiha, DEO, Lunglei in a kaihruai a, Pi Malsawmthangi, Director, SCERT chuan thusawiin Exhibition Lunglei a nghah a ni hi a lawmawm hle a, Science exhibition hi 1971 ah India ramah neih tan a ni a, 1998 ah Mizoramah pawh neih tan a ni. Science teacher ten science seminar ah zirlai an thawh chhuahpui thin hi an tlem thei hle a, school tlem te an tel thin a, thingtlang sikul ah pawh zirlai thiam tak tak an awm a, zirtirtuten thahnemngai leh zual a an thiamna te phochhuahpui turin a chah ani. Paticipant te hi Mizoram ti hmingtha thei tu in ni thei a competition a in tel in zirtirtute tui zawng ni lova, nangmahni tui zawng leh in inhrilhfiah theih zawng thlang thiam thei turin a chah bawk. National Level a tel thei tura tan la theuh turin exhibitor-te a chah a ni.

Science Promotion Wings of SCERT hian 1979 ah NCERT New Delhi nena tang kawp in science seminar a buatsaih tan a, kumina a thupui chu 'Science and Mathematics for Inclusive Development' Science leh Mathematics hmasawnna zau zawk tih a ni. Kum 1998 ah enviroment belh a ni a, kum 2012 ah Mathematics telh a ni leh bawk. Vawiin inelna hi sub-theme 6 a then a ni a : (1) Health Nutrition and Cleanliness (2) Resource management (3) Industry (4) Agriculture and food safety (5) Desaster Management (6) Mathematics for a quality life te an ni.