Ruahman lawk angin Mizoram Civil Service Association (MCSA) 38th General Conference, 2013 chu vawiin 9th May, 2013 (Ningani)   khan Aijal Cluh-ah  tluang takin hman a ni.

He Conference hi Session 3 ah then a ni a. Session-I (Chawhma Session) hi Inaugural Session niin Pu Lalzirmawia Chhangte, Vice-President in a kaihruai a, Pu H. Liansailova, Hon’ble Minister, DP&AR, Finance, etc. chu Khuallian a ni. Chawhma Session ah hian Pu K. Lalthawmmawia, MCSA President in Presidential Speech neiin khuallian lo lawmna thu a sawi a. Chumi hnuah Khuallian hian thusawina hun a hmang.  He hunah hian MCS officer, Conference inkara boral Pu Lalthlamuana Singson MCS leh MCS atanga pension tawh Pu C.S. Kapliana MCS (Rtd.) leh Pu Khawnghinga Ralte MCS (Rtd.) te sunna hun hman a ni a. MCS Officer thar mi 11 te lawmluhna hun an hmang a, Pu H. Laizika’n fuihna thu a sawi bawk.  Dr. H. Lalthlangliana’n lawmthu sawina hun a hman hnuin Session-I tihtawp a ni.

Session-II chu Business Session-a hman a ni. Report hrang-General Secretary Report te, Financial Secretary Report te leh Sub-Hqtrs. hrang hrang atanga report te ngaih thlak a ni a. Agenda ngaihtuah zingah (i) Mizoram ah Administrative Reforms neih thu te, (ii) MCS Cadre Management fel fai zawka kalpui tura rawtna te leh (iii) MCSA Constitution siamthat, leh (iv) MCSA Welfare Fund Rules siam that chung chang te a tel.

Rorel zawhah MCS atanga IAS a kaisang mi 4 te chawimawina bakah Conference neih inkara MCS Officer 5 pension-a chhuak te hnenah thlahna thil pek leh tangka fai hlan nghal a ni bawk.

Session-III ah hian kum 2013-’15 chhung atana MCSA hruaitu tur te thlanna hi Journalist te kaihhruaina in neih a ni a. Office Bearers thlan chhuah te chu heng te hi an ni: