3rd National Voters Day 2013 chu vawiin Dt 25th January 2013 hian DC’s Conference Hall, Mamit-ah urhsun takin hman a ni.
He hun Pu Benjamin Lalzama SDO(Sadar) Election Officer ni bawkin inkhawm kaihruaiin Pu V. Lalremthanga IAS, District Bawrhsap, District Election Officer Mamit chuan khuallian niin a hmanpui a ni.
Khuallian chuan sawrkarin Department hrang hrang kaltlangin ram mipuite hmasawnna tur programme a duang thin a, hriselna lam te, ei leh bara intodelhna tur hawite leh ram mipui, khua leh tuite’n roreltu tur thlanna-a chanvo an neihna tur kawngte a duang thin a, India ram mipui rorelna-ah thalai leh remhre zawk te’n ram roreltu thlanna-ah chanvo, vote an thlak hi sawrkar duh dan anih thusawiin National Voters Day hial hman a lo ni ta a ni a ti bawk. Khuallian chuan 25th January 2011 atanga National Voters Day hman a nih thu sawiin Votes neih ringawt duh tawk lova, kan vote hlu tak hi a nihna ang ngeia thianghlim taka hmang tangkai turin vote nei tharte a chah a ni.
National Voters Day 2013 hmanna-ah hian kalkhawmten Voters Day thutiam Pu R.S Lalzamliana Addl. D.C kaihhruaina-in neih a ni bawk.
He hunah hian Mamit District chhunga Booth Level Officers (BLO) tha pathum thlanchhuah te, K. Lalmakthanga Lecturer, Govt Higher Secondary School Mamit, Pu R. Lalrokima, Headmaster M/S School Zawlnuam leh Pu Lalhmachhuana Headmaster M/S School West Phaileng te hnenah chawimawina citation khuallian in a hlan a.
Vote nei thar te hnenah EPIC hlanna a nei nghal bawk a ni.
He hunah hian Party aiawh leh NGO hruaituten thu an sawi bawk.
National Voters Day hmanna-ah hian Party hrang hrang hruaitute, khawtlang hruaitute thuthar thehdarh tute leh vote nei thar mi tha hnem tak an tel a ni.
