Vawiin dar 11:00 am khan I&PR Auditorium, CHANEM Building ah National Voters’ Day tum thumna hman a ni.

Champhai District Bawrhsap, Pu Lalthangpuia Sailo, khuallian chuan thu sawiin, “Vawiin hi Election Commission of INdia chuan National Voters’ Day atan a puang a, vawiin hi tum thum kan hmanna tur a ni a. He ni lawm hian a tum ber chu Khawvela Democracy ram lian ber (India Democracy) kalphung tihchak leh mihring a tam thei ang ber vote neihtir tura hmalakpui te, electoral roll siam dan kalphung leh vote neilote vote neihtir tura hmalak dan ngaihtuah te leh vote neitawhte mawhphurhna leh chanvo hriattir te a ni”, a ti a. ‘ vote neih hi a chhuanawma, Vote turin inpeih rawh (proud to be a voter, ready to vote)’ tih hi kan auhla pakhat a ni. Kumtling chin vote la nei si lote, vote an neih theih dan ngaihtuah hi kan mawhphurhna a ni, tiin a sawi.

Khuallian chuan kumina National Voters’ Day thupui ber chu “Inclusion” tih a ni a. Chumi awmzia chu vote nei thei chin kumtling zawng zawngten electoral roll ainthun nachang an lo hriat theih nan a hmalak a ni a. Tun dinhmunah hian electoral roll thar ber dt. 15 January 2013 a tarchhuah tawh angin Champhai District a vote nei thei awm zat chu 77439 kan ni a. Kum tling thar (18-19) lut thar mi 2871 kan awm a ni” tih sawiin DC chuan , ‘ Champhai District hi Mizoram District hrang hrang 8 zingah a bo a bang awm lova Electoral Roll a hming awm zawng zawngte thlalak (EPIC) 100%nei hmasa ber kan ni a. Electoral Roll dik leh felfai kan neih theihna tura political party, media leh tlawmngai pawlte tawiawmnaah lawmthu kan sawi’, tiin kalkhawm mipuite chu an vote hlu tak hmang tangkai thin tur leh mipui rorelna democracy kalphunga thuk zawka inrawlh tura ngenin, tun aia nasa zawka an ngaihtuahna hmang tangkai tur leh an mawhphurhna te hlen chhuak thin turin a chah bawk a ni.

Champhai District a Voters Day programme hi Pu James Lalnunmawia, Election Officer in a kaihruai a, National Vorters’ Day thutiam (Pledge) chhiarchhuah anih hnuin Chief Election Commission (CEC) thuchah Chairman hian a chhiarchhuak leh a ni.

Pu Zoengsanga, ERO, 24- Champhai South (ST) A/C leh Pu Zothanmawia, ERO, 23- Champhai North (ST) A/C te thusawi ngaihthlak anih hnuin Booth Level Officer (BLO) thawk tha pathum thlanchhuah te - 1. Thangchungnunga, 25/24- Khuangthing Headmaster, Khuangthing M/S, 2. P.C. Rozika,22/13- Tualte, Teacher Tualte M/S; 3. V. Nhaksanga, 21/24- Puilo, Headmaster Puilo M/S te hnenah thuziak (Citation) hlan a ni a, Champhai District ah hian BLO 132 an awm mek a ni.

un dinhmunah hian electoral roll thar ber ni 15.1.2013 a tarchhuah tawh angin Champhai District ah vote nei thei awmzat chu a hnuaia mi ang hi a ni:- 21-Lengteng (ST) A/C - 16124, 22-Tuichang (ST) A/C - 14953; 23-Champhai North (ST) A/C - 16844, 24-Champhai South (ST) A/C - 15628; 25-East Tuipui (ST) A/C - 13890, Total - 77439 ; Service Voters - 619, A vaiin - 78058; Kum 18-19 inkar vote nei thar zat - 2871, Kum 20 chin chunglam vote nei thar zat - 2291; Total - 5162.

Vawiin National Voters’ Day inkhawm ah hian Chief Guest Pu Lalthangpuia Sailo hian mi sawm (10) hnenah EPIC a sem nghal a ni.