Vawiin khan Lawngtlai DC Conference-ah Pu V.L. Remliana, Election Officer kaihhruaina hnuaiah 3rd National Voters’ Day hman a ni. He Voters’ Day niah hian khuallian Pu B. Lalhmingthanga DC, District Election Officer nibawk in thusawina a nei a, he ni ropui tak hmang theia kan awm avangin lawmawm a ti hle a ni. He ni hi hnam hrang hrang, tawng hrang hrang hmante leh sakhaw hrang hrang ten lungrual taka Vote kan thlak theih nana hman anih thu a sawi. Vawin ni ah kumin January nikhata kum 18 tling ten voting right nei tan in EPIC pawh an hnenah pek nghal a ni, a ti. Voter nih hlutzia hi inzirtir zel turin kalkhawmte a fuih bawk.

He hun ah hian Political Parties President te Pu Lalzamliana Colney, MNF; Pu F. Hrangkhuma, BJP; Pu. H. Remmawia, MPC leh Pu Johnson, ZNP ten thusawina an nei a, voting right neih hlutzia te, Voters I.D neih pawimawhzia te, he voters ID hian milian leh mite intluktlanna leh Democracy rorelna min pek thu an sawi a ni.

36- (ST) Tuichawng, 37-(ST) Lawngtlai (W) leh 38-(ST) Lawngtlai (E) pumpuia voters tlingtharte te hi mi 1781 niin 2.63% in a pung a ni. BLO titha pathum- Pu A. Taichhunga, Pu C. Lalchhuangliana leh Pu C. Lalmawizuala te hnenah pawisafai leh Certificate hlan a ni bawk.