Vawiin khan Kolasib- Project Veng-a AMFU Hall-ah National Voters Day hman a ni a .Kolasib DC Pi Niharika Rai IAS, chuan hmanpuiin Democracy ram dik tak siam turin mipui ten kan thuneihna sang ber Right to Vote hi kan hman that a tul a ni, a ti.

Pi Rai chuan India khua leh tuite hian kan duty leh dikna chanvo tehi Right to Vote atanga kan neih vek a ni, a ti a. Mipui sawrkar tha siam tura thuneihna kan neih sanzia i hre thar leh ang u, a ti a. Vote nei tharte chu ram rorelna-ah duhthlang thei an nih avangin an tih apiang chu, ram kalsiam ti danglam thei leh siam tha thei a ni tih hre reng turin thahnemngai takin DC chuan a chah a ni. Kolasib District chhunga BLO te chu an thawhrimna ah fakawm a tih thu sawiin anmahni thawh rim zarah 100% EPIC bakah Roll dik tak kan nei thei a ni, Pi Niharika Rai chuan a ti a ni.

Pu Zairemmawia, Addl. DC chuan Voters Day inkhawm hi a kaihruai a. Pu JH. Lalrimawia, Election Officer chuan Hall leng lova pungkhawm mipui te, BLO te leh Official te chu lawmthu hrilhin Voters Day thutiam a kaihhruaina -in neih nghal a ni a. Pi Saizikpuii, AERO/BDO Thingdawl chuan Vote neih hlutzia a sawi a ni.

Khuallian Pi Rai chuan District chhung constituency pathuma BLO tha ber theuh te hnenah lawman tangka fai Rs 1000/- leh Citation a hlan a. Hetiangin Pu Vanlalkunga, N. Diakkawn BLO ( Kolasib), Pu H. Thanhranga Chhakchhuak, Mualkhang BLO (Tuirial), leh Pu R. Lalzokima, Rengtekawn BLO ( Serlui). Voter thar mi engemawzat hnenah khuallian hian Epic a sem bawk a ni.

Kolasib District chhungah hian nikum lam aiin voter 1424-in an pung a ni.