Vawiin chawhma dar 10:00 khan Saikuti Hall Lunglei ah Election Department Lunglei Dist. kaihhruaina in National Voters’ Day hman ve leh a ni a. He hunah hian Lunglei Bawrhsap Pu V.Sapchhunga chu khuallian a ni. He ni pual hian Vote nei thar te hnenah EPIC hlanna leh Booth Level Officer hnathawk tha te hnen ah chawimawina hlan na hun hman a ni.

Khuallian chuan Economic Right ringawt neih a Political Right neih leh siloh chu a hlut loh thu a sawi a. India khua leh tui te chuan duhthlanna thiang tak hmanga ram kalsiam siam tha thei turin Vote hlutak kan nei theuh a ni a ti. Kan Vote hlutzia te hrechiangin rampawn lam mi Vote neihve tum thin te dodal leh dan chu official te hna chauh nilovin Voter zawng zawng te mawhphurhna ani a ti.

Vawiin Voters’ day pual a Prog. huaihawt hi Pu H.Lalhmingthanga, Election Officer in a kaihruaia. Voter te inhlanthar lehna thutiam chhamrual chu Pu lalfela Sailo, Addl. DC in kaihruaiin Pu Joseph Lalramsanga, Addl. DC chuan Vote neithar te hnen a EPIC semna hun a hmang thung. Pu H.Lalthangsanga, President MJA Lunglei Dist. pawhin Voter te hlutna leh mawhphurhna te a sawi bawk a ni. BLO titha zingah Pu Pc. Vanlalnghaka, Headmaster, Gov’t. Standard Middle School, Bazarveng leh Pu F.Ngaihkhama, Headmaster Primary School - I Rahsiveng te chuan pakhatna leh pahnihna lawmman bawrhsap hnen atangin an dawng a ni.