No.2422/2021-2022

Aizawl 1st October 2021: Vawiin chawhma khan DC Conference Hall, Kolasibah Dr.H.Lalthlangliana, District Election Officer chuan 4-Tuirial (ST) Bye Election neih tur a inbuatsaihna kawng hrang hranga mawhphurhna latu tur, Nodal Officer leh Assistant Nodal Officer-te koh khawmin an chanvo theuh inhrilh chianna hun a nei.

Dr.H.Lalthlangliana chuan inthlanna neih tur a mawhphurna hrang hrang changtute chu mahni hna theuhte uluk tak leh felfai tak a hlenchhuak turin a chah a, ECI in inthlan inkaihhruaina dan bu a siam chu tha tak a zirchiang turin a chah bawk a ni. Inthlanna a mawhphurhnate chu phurrit anga ngai lo turin leh rintlak a ngaih an nih ang ngeiin phur tak a thawk turin a chah bawk a ni. District Election Officer chuan inthlanna chu a felfai tur a nih thu sawiin a lan felfai a pawimawh tel thu a sawi bawk a, chumi tur chuan Nodal Officer leh Assistant Nodal Officer-te bakah Election kaihhnawih a thawktute zawng zawng an pawimawh thu a sawi.

Pu Lallawmawma, Returning Officer leh Addl. DC chuan Election kaihhnawih hnate ngaih pawimawh zual a tul thu sawiin Pu Lalchhuanawma, Election Officer pawhin Nodal leh Assistant Nodal Officer mawhphurna sawi zauna hun a hmang bawk a ni.

Ni 1.01.2021 thleng a chhinchhiah dan chuan Tuirial (ST) Assembly Constituency-ah hian Polling Station 26 awmin voters 17,905 an awm a. Heng zingah hian mipa 8,818 leh hmeichhia 9,087 awm mek anga chhinchhiah a ni.