No.2423/2021-2022

Khuangchawi thla ni 1, 2021: Vawiin khan Urban Development & Poverty Alleviation (UD&PA) Department, Lawngtlai chuan Azadi Ka Amrit Mahotsav (AKAM) hma lakna peng pakhat atan Lawngtlai DC Conference Hall-ah hnawl paih mai tur hmanga thil tangkai leh mawi zawk siam chhuahte pho chhuahna (waste to art exhibition) an buatsaih.

He exhibition-ah hian Lawngtlai District chhunga mi kutthemthiam tak tak sawmpariat (18) telin, plastic leh bawlhhlawh dang, hman nawn theihna awm tawh lo, paih mai turte atanga thil mawi leh tangkai zawk an siam chhuahte chu an rawn pho chhuak hlawm a ni.

He exhibition-a telte atang hian a ti tha pathum thlan chhuah an ni a. Pakhatnaah LB Hnialum, Lungtian chu thlan niin, pawisafai Rs 3,000/- a dawng a, pahnihna A. Lalhnehzovi, Lawngtlai Bazar Veng chuan Rs 2,000/- dawngin, pathumna Rohmingliani, Lawngtlai Chandmary chuan Rs 1,500/- a dawng thung a. Mi dang 15 hnenah hian participation prize Rs 1,000/- theuh pek a ni bawk.