No.3042/2021-2022
Aizawl dated 18th November 2021: Vawiin chawhnu khan 4-Tuirial (ST) Assembly Constituency Bye-Election neih zawh tak a Model Code of Conduct kalpui dan thlirletna hun, Presbyterian Kohhran Hall, Serkhanah neih a ni a, Pastor K.Lalengmawia, President, MPF Constituency Forum-1 in hun kaihruaiin DEO Office, Kolasib hnuai a Nodal Officer-te leh MPF Constituency Forum I leh II hruaitute an tel bawk a ni.

Dr.H. Lalthlangliana, District Election Officer chuan inthlanna hautak tak, buaina leh harsatna awm miah lova kalpui theih a nih nachhan chu MPF, NGO leh Sawrkar thawh hona that vang a nih thu a sawi a, ECI thuchhuak anga Silent Period darkar 72 chhung ralmuang tak a hman a nih thu a sawi bawk a ni. Ram inkaihhruaina tha leh felfai a awm theih nana Kohhranin theihtawp a chhuahna chu lawmawm a tih thu a sawi a, hei hian rah tha a thlen zel a beisei thu sawiin 4-Tuirial (ST) Bye-Election kalpuinaa neitu nihna thinglung puchunga Kohhran hruaitute hmalakna chu entawntlak a tih thu a sawi bawk a ni.

Pu Vanlalchhuanawma Chawngthu, Election Officer chuan MCC chungchang report pein MCC bawhchhiatna thudawn tum 3 a awm thu te, vantlang hmun a thil tar lakthlak 104 a awm thu leh Rs. 5,12,498 man zu man a nih thu a tarlang a ni. He hun ah hian inthlanna felfai a awm theih nana DEO Office leh MPF-te thawhho chhunzawm dan tur sawihona hun hman a ni a. Returning Officer, Nodal Officer Flying Squad, Sector Magistrate leh MPF aiawh atangtein thusawi ngaihthlak a ni bawk.