No.3041/2021-2022
Aizawl 18th November, 2021 : Vawiin khan Mizoram Cleanliness Competition, 2021 neih meka hmalakna ni pahfawmin Sub-Divisional Level Road Protection Squad, Mamit te chuan Pu Vanlalhmachhuana, SDO (Sadar), Mamit hovin in sakna bungrua leh bungraw dang, kawngpui nekchep zawnga dahte enfiahin Site Inspection neih a ni.

Vawiin Site Inspection-ah hian kawngpui tichep zawnga in sa bakah kawngpui area nekchep zawnga in sakna bungrua leh hmanraw dang dah an awm leh awm loh enfiah a ni a. Protection Squad-te hian hetianga dan bawhchhia an hmuh te hi hmala zui lo tur leh kawngpui tichep zawnga dah tawh lo tura hriattirin District khawpui fai inelna endik anih dawn avangin tunkar chhung ngeia insenghawi tura tih an ni.

Vawiin Site Inspection-ah hian Sub-Divisional Level Road Protection Squad members te an tel tha hle a ni.