Kawnpui Sub-Division Village Council Association buatsaih Tuirial Constituency huamchhunga Village Council hrang hrang te inelna 4th Tuirial Constituency MLA Volleyball Tournament, Awithangpa Hall kawtah khelh chu vawiin khan khar niin, bialtu MLA Pu Hmingdailova Khiangte, Parliamentary Secretary in a hmanpui. 

4th Tuirial Constituency MLA Volleyball Tournament kharna inkhawm tawi neih hi Pu K.Lalhmachhuana, Chairman, Kawnpui Sub-Division Village Council Association in a kaihruai a. He hunah hian bialtu MLA chuan infiammite fuihna thusawiin, chan tha zawk chang thei turin nun vawng uluk leh insum thei turin a fuih a. Tournament buatsaih chhan anga thalaiten inpawhna tha zawk an neih a beisei thu a sawi a. Tuirial bial chhung atanga Pro Volleyball khel pha club an awm ngei theih nan tan la turin a chah a ni. 

He Volleyball tournamentah hian Village Council hrang hrang atang mipa team 12 leh  meichhia team 6 an tel a. Lawmman hi bialtu MLA in tumin, Champion team mipa in Rs.10,000/- , hmeichhia in Rs.7,000/- leh trophy an dawng a ni.

Attachment

  • Loading attachment...