2419/2026-2027 

Dated Khawzawl the 29th September, 2026 : Vawiin khan Khawzawl District Secondary School Games vawi 5–na chu Mualvawm Playground-ah hawn a ni a, Pu K. Zorammuana, Addl. Deputy Commissioner-in khuallian niin a hmanpui.

He Khawzawl District Secondary School Games vawi 5 –na hawnna inkhawm hi Pu Francis Lalruattluanga, SDEO, working chairman nibawk chuan kaihruaiin He Khuallian Pu K. Zorammuana chuan he hunah hian thusawiin Education in a tum chu lehkha zir ngawr ngawr chauh niloin kan eng kima hmansawnna thlentirte, khawtlang nunhona a hmasawnna thlentirte pawh hi a ni vek a ni a ti a, infiamna hi zirna atana tangkai tak a niin, taksa a hrisel a, a chak chuan thluak a chak a, ngaihtuahna a chak bawk a, lehkha kan thiam theih phah a ni a ti a. Taksa fit hi lehkha zir nan hman tangkai a ngai a, taksa hrisel hian rilru ngaihtuahna chak min pe a ni a ti bawk.

Zirlaite chu Ruihtheih thilah leh zuk leh hmuama fihlim a ngaih thute, internet leh social media ruihchilh lo tur leh rilru leh taksa hrisel nan infiamna ngai pawimawh turin a fuih a, zirna leh infiamna chu kal dun pui dan thiam a tul thu a sawi bawk a ni.

Pu Rohmingliana, Secretary, Organising Committee hnen atangin report ngaih thlak a nih bakah huaisen lawman dawngtu Kawlkulh HS a Class IX zir mek Laldinkimi d/o K. Lalvunga Kawlkulh ni 25.09.2026 a Union Home Minister hnen aţangin Jeevan Raksha Padak chawimawina -Thuziak leh Medal dawngtu chawimawina hun hman nghal a ni bawk.
Khawzawl Dist. Chhungah hian Govt. HS-8, GIA HS 4, Samagra HS 2, Lumpsum HS 4 leh Private HS 8- a vaiin HS 26 a awm mek a, Secondary School Games ah hian Khawzawl khawpui chhung H/S 5 leh Khawpui pawn H/S 13 atangin an tel thei a ni. Secondary School Games 2026 a telte atang hian December Ni 10-13 November 2026 chhunga Aizawla-a neih tur- 43. Mizoram School Games 2026 a Khawzawl District aiawh turte thlan leh an ni ang.

5th Khawzawl District Secondary School Games 2026  ah hian hengah te hian inelna buatsaih a ni. Football- Mipa,  Volleyball - Mipa & Hmeichhia, . Kalchhet -Mipa , Kawikah – Hmeichhe, Long Jump - Mipa & Hmeichhia  Intiansik - Mipa & hmeichhia-(100m 400m leh 800m, Mipa 3000M leh hmeichhia 1500m ), Lungden - Mipa &hmeichhia  te a ni.