399/2026-2027

Lawngtlai, 30th September 2026: Vawiin khan 'Lawngtlai District Level Anti-Tobacco Squad' chuan bawhrsap Pu Donny Lalruatsanga kaihhruaiin DC Conference Hall-ah thutkhawm an nei.

Pu Donny Lalruatsanga chuan zuk leh hmuam tihrem kawngah theihtawp chhuah a tul a, vaihlo leh alaihnawih thil te chu mihring hriselna atan a tha lo hle tiin, a do kawngah tha thlah theih a ni lo a ti.Vawihlo hian rilru leh taksaah harsatna tam tak a thlen thin a, a bik takin mi tam takin 'cancer' vei phaha a  pawi tak zet a ni, a ti. Vaihloah hian nicotine a tel avangin a ngawlvei a awl em em a, ngawlvei lo tura inven thiam leh tihchhin loh a pawimawha mahni inthunun a tul hle a ti. Ruihhlo tih bultanna ber pakhat chu zuk leh hmuam thlahdul leh uar lutuk vang nia ahriat thu sawiin, a bul thuta insiamthar a pawiawmha, zuk leh hmuam tilo tura hmalak a pawimawh tak zet a ni, a ti. Bawrhsap chuan zuk leh hmuam tilo tura inzirtirna kawngah District Level Anti-Tobacco Squad' in hmalana tur a ngah hle tiin, theihtawp chhuaha thawk turin Commitee - te a chah nghal bawk.

Thutkhawm chuan Zirna In leh Zirlai naupang zingah zuk leh hmuam ti an tam lutuk chu veiawm an tih thu tarlangin, hemi kawngah hian tan lak thar leh ni se an ti a. Office leh Zirna In  zawng zawngah COTPA  khauh taka kalpui ni se, zuk leh hmuam tilo tura inzirtirna 'Signage'   tar  vek tura hmalak ni se tih a ni.  Kohhran huangchhungah hmalak tha tih niin National Tobacco Control   Programme - ten hma lo la se an ti a. Sumdawnna lirthei khalhtute  zingah zuk leh hmuam a hluar lutuk chu veiawm tiin, District Transport Officer kaltlanga hmalak ni se an ti a. Dawrkai zingah kum 18 hnuailam hnena vaihhlo hralh thin an awm nia anhriat thu ngaihtlak niin, khauh zawka hmalak ni se tih a ni.  Zuk leh hmuam tilo tura inzirtirna kalpui thin chu tha ti tlangin, uar zawka kalpui chhunzawm ni se, Anti- Tobacco Suad Drvie tam zawka neih ni se an ti bawk a ni.

Vawiin thutkhawmah hian 'Lawngtlai District Level Anti-Tobacco Squad' an tel tha hle a, Bawrhsap chuan lawmthu sawiin hun a khar.