2420/2026-2027 

Dated Khawzawl the 29th September, 2026 : Vawiin khan DC Conference Hall-ah Khawzawl District Water and Sanitation Mission chu Pu K Vanlalthiana, Deputy Commissioner & Chairman DWSM hoin an thukhawm.

He hun hi Pu K Vanlalthiana, Deputy Commissioner & Chairman DWSM chuan a kaihruai a, Khawzawl chuan tui leh thianghlimna kawnga District hmalakna chu lawmawm a tih thu sawiin kan thlen chin atanga hmasawn zel turin member kalte a chah a ni. Er Liantluanga Chohte, Sr. Executive Engineer, PHED & Member Secretary DWSM chuan District chhunga water and sanitation chungchanga hmalakna hrang hrang sawifiahna hun a nei a, Pu Freddy Vanlalmuanawma SDO PHED chuan Power point presentation hmangin Khawzawl District Town area a FSTP ( Faecal Sludge Treatment Plant) leh STP ( Sewage Treatment Plant) hmalak dan turte sawifiahna neiin, a hmun hma leh hnathawh dan tur te thlir ho a ni.

Kawlkulh khua chu Plastic free village anih theihna tur atana hmalakna hrang hrang chungchanga hna kal mek te report pe in SWM Rules, 2026 zawm turin 4 ways segregation kalpui tan niin bawlhhlawm bawm pawh Finance commission leh SBMG fund atangin chi 4 a sem tura ruahman anih thu a sawi. Kawlkulh a FSTP sak mek report pe in, 90% hna thawh zawh tawh anih thu ngaihthlak a ni bawk.

Pu TC Lalhmachhuana District Coordinator SBMG chuan ODF Plus 2nd Verification chungchang report pe in he endikna hunah hian Criteria hrang hrang hlawm Li ah then niin, ODF sustainability, Solid and Liguid Waste Management bakah Visual cleanliness te enfiah anih thu a sawi a, khaw hrang hrang dinhmun en in ODF Plus village nihna la vawnhim zel niin tan lak zualna tur tam tak a la awm thu a sawi bakah home composting chungchang zirtirna neih nghal a nih thu a sawi bawk.