Vawiin chawhma dar 10:00Am khan MADC Forest Hall-ah Siaha District chhunga ASHA hnathawkte tan intuaitharna hun leh inzirtirna hun hman a ni.

Vawiin 6th & 7th Module Refresher Training neihna-ah hian Dr. Lalrozama IAS, Mission Director, National Health Mission chuan khuallian niin he hun hi a hmanpui a ni. Dr Lalparliani, CMO, Siaha chuan kalkhawmte chawnglawmna leh in hmelhriattirna hun hmangin, “Overview of Community Process” tih thupui-ah hmangin Dr. Lalchhuanawma, SNO, CP chuan thu sawina hun a hmang a, Dr. Hmingthanmawii, SPO, RCH chuan “ASHA in RCH” tih thupui hmangin thu sawina a neih bawk a ni. 

Vawiin ASHA te training na-ah hian State ASHA Trainer ten ASHA Chanvo, ASHA in a thiam ngei ngei tur tih te leh Home visit ASHA in a tih dan turte chipchiar taka zirtirna hun an pek bakah, ASHA Programme rahchhuah tih leh Village Health & Nutrition Day tih thupui hmangin Pi Mary Vanlalpeki, DPM, NHM, Siaha chuan zirtirna a pe bawk a ni. Pi Mazzie Hlychho, Distrit Co-ordinator, ASHA chuan Naute him taka nei tura inpuahchah dan turte leh Dawldang enkawl dan kimchang leh ASHA ten an ti ngei turte uar takin zirtirna hun a hmang a, State ASHA Trainer te chuan Nau pai lai leh Nau neih laia harsatna awm hriatchhuah dan turte leh Nau neih lai leh Nau neih hnu a enkawl dan tur kimchang leh chipchiar vawiin ASHA training na a tel te hnenah zirtirna leh hrilhfiahna hun an hmang bawk a ni.

He 6th & 7th Module Refresher Training hian naktip Nilaithawhtan Ni 7th June, 2018 thleng a awh ang.