Vawiin khan Bawrhsap Pisa pindan ah Kolasib District a Economic census vawi sarihna lakkhawm dan tur sawihona hun hman ani.

Bawrhsap Pu Zoengsanga chuan economic Census chu ei leh bar zawnna kawnga inhnamhnawih te chipchiar taka zirchian na tur niin India Ram bakah State economy dinhmun hriat chianna tur anih avangin a pawimawh hle ani a ti. Field level a data lakhawm tu tur Enumerator te chu an hna an hriat chian a ngai a tihsual a thian loh avangin fimkhur taka data lak a ngai dawn a, Enumerator te chuan an hna an thiam hle a ngai ani a ti a, hna an thawh tan atanga kar khat hnu ah an hnathawh te thlirletna hun nei leh turin thutlukna a siam bawk.

7th Economic Census hi India ram puma neih tur ani a, Ministry of Statistics and Programme Implementation hnuaia National Sample Survey Organisation kaihhruaina hnuaia neih tur niin District tin ah Common Service Centre din theuh tur ani a, Supervisor ten kaihruaiin an hnuaiah field Officer leh Enumerator engemaw zat an awm dawn a, enumerator te hian khaw tin a in tin lut kualin an data lakkhawm chu Online App kaltlangin darkar 48 chhungin an upload tur a ni. Tun dinhmunah Kolasib district huam chhungah Supervisor 16 awmin an hnuaiah Enumerator engemaw zat an awm a, hna thawk tan turin inpeih tawh mahse National level atanga Mobile App la peihfel a niloh avangin hnathawh tan theih ala nilo a ni.

Thutkhawmah hian District Research Officer, Dy.Commissioner of State Tax, District Industries Officer, District Local Administration Officer leh DIPRO te chu member an nihna angin an tel a ni.