Vawiin khan Mamit District Additional DC Pu H. Lianzela kaihhruaina in DC Conference Hall, Mamit ah 7th Nation Voters Day 2017, Jan. 25 a hman dan tur rel a ni.

National Voters Day 2017 hi Jan 25 2017 chawhma dar 11 ah LAD Conference Hall ah neih hman tura rel a ni. National Voters Day 2017 pual hian Mamit khawpuuiah Special Camp buatsaih tum a ni a, Special Camp hi January 21, 2017 Inrinni ah Jt. VC Hall, Mamit Bazar Veng ah neih a ni ang a, hetah hian election kaihhnawih thil hrang hrang inhrilh hriatna bakah election form hrang hrangte a mamawhte hnenah fill up theih tura pek chhuah a ni ang.

National Voters Day 2017 pual vek hian High School, Higher Secondary School leh College zirlaite tan on the spot open Essay Competion, kumin voters day thupui “ Empowering young and future voters” hmang in buatsaih a ni dawn a, January ni 20, 2017 Zirtawpni ah Govt. Higher Secondary School, Mamit ah neih a ni ang a, essay hi thumal 1000 aia tlem lo a ziah tur a ni a, hei bakah hian Auhla (Slogan) in phuah siak buatsaih turin rel a ni bawk.

Vawiin meetingah hian Mamit District chhunga ERO, AERO, BLO bakah MZP Headquarters, Mamit hruaitute an tel tha hle a ni.