7th Solo Painting Exhibition Pu Laltanpuia leh Mizoram State Child Protection Society te tangkawpa buatsaih chu vawiin khan Aizawl Art Gallery, Treasury Aizawlah Pi Lalnithangi, Director, I&PR chuan a hawng.

Exhibition hawngtu Pi Lalnithangi chuan Pu Laltanpuia thiamna leh a teirei peihna chu fakawm a tih thu sawiin, artist naupang zawkte pawhin entawn se a duh thu a sawi a. Tun tum solo exhibition 'Happy Childhood' tih thupui hmanga siam chu tha a tih thu sawiin, naupang te hlutna leh hlimna phochhuahna remchang siam a nih chu lawmawm a tih thu a sawi bawk.

Exhibition hawnna inkhawm hi Pi Lallianpuii, Jt.Director I&PR in a kaihruai a, Pi Amy Lalrinpuii, Programme Manager, Integrated Child Protection Scheme chu khualzahawm a ni. 7th Solo Painting exhibition hi 'Happy Childhood' tih thupui hmanga buatsaih a ni a, 20th-25th November, 2017 chhungin neih a ni ang.