Pu Speaker,
I remtihnain kum 2023- 24 atana Mizoram sorkar sum hman tur ruahmanna ka rawn pharh e. He budget hi 8 th Mizoram Legislative Assembly atana budget hnuhnung ber tur a ni a. Hun harsa tak kara House member zahawm tak te’n theihtawp min chhuahpuinaah lawmthu ka sawi a ni.
1. Pu Speaker, kum hnih zet covid hripuiin min nuai lai khan kan Mizo tlawmngaihna leh inlungrualna chu kan chakna th ahrui a ni a. Mahse kan hma lam hun han thlir hian fimkhur taka ke pen a la ngai dawn a, hemi avang hian hmasawnna kawngah mipuite pawhin rilru zau tak kan put tlan theih a ngai dawn a ni.
2. Pu Speaker, kan hriat ṭheuh angin India Sorkar chuan December ni 1, 2022 aṭang khan G20 Presidency a chelh ṭan a. State hrang hranga G 20 Meeting thleng turte zingah Mizoram pawh thlan ve niin, tun March 2023- ah hian kan thleng ve dawn a. Hemi atan hian sawrkar pawh theihtawpin a inbuatsaih mek a ni. He hun hi Mizo hnam rohlu leh ziarang pho chhuahna hun ṭha tak a ni dawn a ni.
3. Pu Speaker, ka’n sawi duh bawk chu, tun hnaia 10 th International Tourism Mart, Aizawl-a kan neih kha a hlawhtling hle a, India ram hmun hrang hrang aṭangin mikhual 230 chuang kan nei thei a. Tin, Responsible Tourism Policy neih leh hlawhtling taka kalpui hi Sorkarin a ngaih pawimawh berte zinga mi a ni. He Policy-in a tum ber chu hmasawnna tluantling leh tlo neih a, thingtlang mite tourism kal tlanga ei leh bara an intodelh a, khawtlangin hma a lo sawn a, kan chheh vel ramngawte tichereu chuang si lova kan dinhmun chawikan hi a ni.
4. Pu Speaker, Mizoram sorkar sum lak luh tihpun zel leh a ṭul lova kan sum hman ralte tih tlem chungchang ngaihtuah turin Mizoram Resource Mobilization Committee (MRMC) chu January ni 21, 2022 khan din a ni a. He Committee hi vawi sawm ( 10) ṭhukhawm tawhin a din tirh aṭangin consultation meeting vawi thum neih tawh a ni. He Committee thurawn angin department hrang hrangte bank account pung aṭangin Cheng Vbch 35. 74 zet chu sawrkar sum bawmah a lut ve tawh a ni. MRMC thurawn dangte pawhin rah ṭha tak a thlen zel a rinawm hle bawk.
5. Pu Speaker, mi tam zawk tan hmasawnna ngelnghet a awm theih nan kum 2022- 23 khan Cheng Vbch 350. 00 chu Family Oriented SEDP atan bik liau liau dah hran a ni a. Hemi hnuaiah hian trade hrang hrang kaltlangin chhungkaw 60,000 (Singruk) hnenah Cheng Singnga ṭheuh pek tura tih a ni a. Tun kum lo awm turah hian Family Oriented SEDP atan hian Cheng Vbch 300. 00 ka dah leh a ni.
6. Sorkar laipui chuan Special Assistance to States for Capital Investment (SASCI) 2022 - 23 part li ( 4) aṭangin Cheng Vbch 497.50 zet mai a ruahman a. Kum 2020 -21 -ah Cheng Vbch 200. 00 ruahman a ni a, tin, kum 2021 -22 atan Cheng Vbch 300.00 a lo dah tawh bawk a ni. Kan hriat angin Covid hripui lengin kan sum lak luhte nasa taka a tih tlakhniam phah avangin Sorkar laipuiin SASCI hi ram hmasawnna tur hnathawh nan a ruahman a ni a, a Scheme hi kum 50 a tlin hunah a pung awm lo a rulh tur a ni.
7. Pu Speaker, January ni 13, 2023 -a Lunglei Municipal Council Office kan hawng thei hi a lawmawm ka ti hle a. Hei hi 2018 -a MNF Party election manifesto kha a ni a, kan han tihlawhtling thei hi kan lawm hle bawk a ni. Lunglei khawpui chuan ama pualin bye-laws leh building regulation te, property tax leh khawpui inrelbawlna kawngah thuneihna mumal tak a nei ve tawh dawn a ni. LMC tan hian State Sorkar aṭangin Cheng Nuai 128. 00 hi an inrelbawl nan ka dah hrang bawk a ni. Kum 2022 - 23 khan Cheng Nuai 88.89 hi LMC election atan kan lo dah tawh bawk a ni.
8. Global warming hian kan chenna khawvel boruak, sik leh sa, hriselna leh khuarel chhiatna te a nghawng thui hle a, hemi kawngah hian mipuite hian mawh kan phur thui hle bawk a ni . Kan Sorkar hian plastic ṭawih thei lo kan hman zel lohna turin, mipui hnenah theihtawpin zirtirna a pe a, a thlakna tur pawh ruahmanna ṭha tak a kalpui mek a ni. Kan tuichhia leh bawlhhlawh sawngbawlna atan pawh Cheng Vbch 50.45 hi tun budget-ah dah a ni.
9. Pu Speaker, tun hunah hian Finance Department -in project khirhkhan leh ṭangkai tak, Integrated Financial Management Information System (IFMIS) kum nga chhung a lo kalpui mek chungchang hi han tar lan tel ka duh a. Harsatna tam tak kan paltlang hnuah IFMIS Project chu September ni 1, 2021 khan a then azar kan han hmang ṭan a. Tunah chuan DDO tam takin IFMIS kaltlangin On-line hmangin Bill an thehlut a, Treasury lamah pawh IFMIS hmang deuh vekin hna an thawk tawh a ni. He Project-in a tum ber chu kan financial management system siam ṭhat a ni a, chu chuan Sorkar sum chet velna hrang hrang, Payrol l management, Bill preparation leh submission, Bill processing, Pension management, Debt management, Budget management leh Accounts management te a huam a, he System hi a puma hman theiha zawh a nih hunah chuan ram pum huap pawha System nei ṭha berte zingah kan tel theih kan beisei a ni.
OVERVIEW OF THE STATE’S ECONOMY:
10. Pu Speaker, tun hunah hian ram hmasawnna leh sum leh pai dinhmun tehna hrang hrang, heng inflation (pawisa hlutna chungchang) te, Revenue Surplus/Deficit te, Fiscal Deficit leh Debt Sustainability hmanga kan State dinhmun tlangpui han tar lan ka duh a.
11. Pu Speaker, kum 2022- 23 Budget ka present lai khan kan State GSDP chu kum 2018 -19 data- a innghat a ni tih ka lo tar lang tawh a, chu chu Covid - 19 lo chhuah hma kha a ni. Covid- 19 hri lengin min han nuai tâk hnu khan a nghawng chu kan hmu nghal a, kum 2022 - 23 (BE)-a GSDP cheng Vbch 39,458.50 ni tura chhût chu RE stage-ah chuan Cheng Vbch 30, 223. 06 – ah a tla thla ta dâwrh mai a. Hei vang hian kum 2022 - 23 (RE)-a kan Gross Fiscal Deficit chu GSDP aṭanga chhûtin 6.95% -ah a chho ta dâwrh a ni.
Hetih lai hian kan dinhmunte pawhin ziaawm lam a pan chho leh ta a, kum 2023 -24 atana GSDP chu Cheng Vbch 35, 904. 04 ni turin chhût a ni ta a, hemi atana baseline data pawh a dik chho zel turah kan ngai a ni. Tichuan kum kal mek revised figure Cheng Vbch 30 ,223.60 aṭang chuan 18. 79% -in a pung a ni. Hetiang hian GSDP hi ṭhang ṭha thawkhat viau angin lang mah se, service sector lam aṭanga thawh chhuah hi a len tham ber avangin, sector dang, primary leh industrial sector-a kan sum deh chhuah tihpun zel hi a pawimawh hle a ni.
12. State Sorkar Department hrang hrang sum thawh chhuahte hian kan sum leh pai hmanna tur lo pung zel hi a phuhrû zo lo va. Kumin 2022 -23 (RE)-ah chuan kan Fiscal Deficit chu 3.07% aṭangin 6. 95% -ah a chho dâwrh mai a, hei hi RE stage-ah GSDP a tlak hniam thut vang a ni.
13. Pu Speaker, Kum 2023- 24 chhunga State’s Own Revenue chu Total Revenue Receipt atanga 17.24% tling thei tura chhût a ni a, sum thawh chhuah zawng zawng (consolidated receipt) aṭang erawh chuan 13. 94% a ni thung ang.
14. Sum tam zawk thawk chhuak thei tura ruahmanna siam chungin kumin chhung hian Revenue Surplus hi Cheng Vbch 417.87 tling thei tura ruahmanna siam a ni.
15. Kum 2023- 24 chhunga kan GSDP aṭanga tehin kan Gross Fiscal Deficit chu 3.47% ni tura chhût a ni a, Primary Deficit chu 1. 63% a ni ang.
16. Kum lo kal tura Sorkar leiba zawng zawng tling khawm chu Cheng Vbch 13, 584. 80 ni tura chhût a ni a, heta ṭanga Debt/ GSDP ratio chu 37.84% a ni ang. Tun hnai kum 5 chhung emaw-a kan debt-sustainability chu kum 2018- 19 ( Actuals)- ah 32. 89%; 2019 -20 ( Actuals)-ah 32. 72%; 2020 - 21 (Actuals)- ah 33.98%; 2021 -22 (Actuals)- ah 40.98% a ni a, kumin 2022 - 23 ( RE)-ah 41. 29% te an ni.
BUDGET ESTIMATES 2023 - 24:
17. Pu Speaker, Covid- 19 hripui-in kum hnih zet min nuai hnua Budget ṭ ha tak han siam chhoh chu a huphurhawmin chona pawh a lian hle a. Heti chung hian hmasawn zel tura beiseina sang tak nen B udget ka han siam chhuak a ni.
I RECEIPTS:
A. Revenue Receipts:
18. State Sorkar chuan a tlangpuiin sum leh pai hmuhna kawng li, State’s Own Tax Revenue leh Own Non-tax Revenue te, Sorkar laipui chhiah insem (Share of Taxes) aṭang te, Chhiah insem hnua sum indaih lohna phuhrûkna atana min pek Post Devolution Revenue Deficit Grants (PDRDG) te, Grands-in-Aid leh Contributions aṭangtein an ni a. Kum 2023- 24 chhunga Revenue Receipt aṭanga hmuh kan beisei zawng zawng chu Cheng Vbch 11, 486. 63 a ni.
State’s Own Tax and Non-Tax Revenue:
19. Kum 2023 - 24 chhungin State’ s Own Tax Revenue aṭang hian Cheng Vbch 1,084.29 hmuh theih kan beisei a, chu chu kum kal meka ruahman Cheng Vbch 801. 29 ai chuan 35. 32 % - in a sang a ni. Tin, Own Non-tax Revenue aṭang hian Cheng Vbch 896.99 tlin theih kan inbeisei a, chu chu kum kal meka estimate ai chuan Cheng Vbch 60.57 zetin a sang zawk bawk a ni. Tax leh Non-tax Revenue punna hi chawhrualin 20. 98% a ni ang. Hetah hian han sawi lan loh theih loh chu, Revenue expenditure atana kan su m mamawh hi a kum tela a pun zel avang leh, Sorkar laipui atanga deficit grant kan hmuhte a kiam tial tial avangin, State Sorkar hian kawng hrang hranga sum hmuh belhna tur chak zawka a dap chhuah a ṭul tak meuh a ni.
20. Own Tax Revenue hnuaia kan sum hmuh t ur hi, kum kal meka GST target Cheng Vbch 598.00 aṭangin Cheng Vbch 865.00 -ah tihsan a ni a. Chhiah aṭanga kan hmuh beisei dangte chu property leh capital transaction aṭang te, bungrua leh service hrang hrang a ṭanga chhiah lut te, lirthei aṭanga chhiah lut, in lo ram chhiah leh a dangte an ni.
21. Non-tax Revenue aṭanga kan hmuhna tlangpui te chu Tui bill a ṭanga Cheng Vbch 72. 00 te, Electric Bill aṭanga Cheng Vbch 620.00 kan beiseite hi a tam ber an ni a, tin, State Lottery -ah hian beisei anga draw kalpui theih a nih chuan Cheng Vbch 36. 00 hmuh kan beisei bawk a ni.
Tax Devolution:
22. Sorkar laipuiin kum 2023 - 24 chhunga State hrang hrang 28-te hnena chhiah sem tura a ruahman chu Cheng Vbch Nuai 10. 21 a ni a. Finance Commission chuan Mizoram tan 0. 500% a dah a, chu chu kum thar atan hian Cheng Vbch 5,107. 25 a ni. Hei hi kan sum hmuhna hnar lian ber a ni.
Grants- in-Aid:
23. Sorkar laipuiin kum 2023 -24 chhunga Mizoram tana Grant a ruahman zawng zawng chu Cheng Vbch 4, 398. 08 a ni a, hei hian a hnuaia mite hi a huam a ni:
a. Post Devolution Revenue Deficit Grant (PDRDG):
24. 15th Finance Commission ruahmanna anga Mizoramin kum 2023 -24 chhunga Revenue Deficit Grant a hmuh tur chu Cheng Vbch 1 ,474. 00 a ni a, chu chu kum kal meka kan hmuh aiin Cheng Vbch 141. 0 0 in a kiam a ni. Tar lan tawh ṭhin angin revenue deficit grant kan dawn ṭhin hi Finance Commission chuan kum nga chhung, kum tina tla thla tial tial turin a ruahman a. Hetih lai hian revenue expenditure atana kan mamawh a pun zel si avangin hei hian kan sum leh pai inrelbawlna kawngah min nghawng na viau dawn a ni.
b. Local Body Grants:
25. Local Body Grant atana kan sum beisei zat chu Cheng Vbch 109. 00 a ni a, hei hian Rural Local Body Grant Cheng Vbch 72. 00 leh Urban Local Body Grant Cheng Vbch 37.00 a huam a ni. Kum kal m eka kan dawn aiin kum thara kan dawn tur hi 2. 83% -in a pung dawn a ni. Heng zinga 40% chu Local Body te’n ṭul an tih anga hman tur (untied) a ni ang a, 60% chu tui thianghlim leh ruahtui dah khawl nan te, tui hman hnu thli tfim nan tea hman tur a ni ang. Tin, Urban Local Body fund aṭanga 60% pawh chu sanitation te, solid waste leh water waste management atan te, tui thianghlim leh ruahtui dah khawl nan te leh tui tihthianghlimna atan te hman tur a ni.
c. State Disaster Risk Management Fund (SDRMF):
26. SDRMF aṭanga beisei hi Cheng Vbch 52.00 a ni a, kum kal mek aia 2023 - 24 chhunga beisei zat hi 6.12% - in a pung a ni. Commission chuan sum awm zat aṭanga 20% chu chhiatrupna laka invenna lamah hman ni se, 80% chu heng thil lo thlen palha inenkawlna leh ngai awh leh theihna tura hman nise a ti a ni.
Centrally Sponsored Schemes ( CSS) and Externally Aided Projects (EAPs):
27. CSS hrang hrang aṭanga sum dawn tura kan ruahman chu Cheng Vbch 2670.42 a ni. Hei hian Central Assistance Cheng Vbch 2412.40 te, Police Modernization Scheme aṭanga kan dawn tur Cheng Vbch 8.69 te, RKVY Cheng Vbch 10. 00 te, BADP Cheng Vbch 14. 00; Accelerated Irrigation Benefit Program ( AIBP) Cheng Vbch 65.00; NSAP aṭanga Cheng Vbch 10. 85 te an ni a. Heng bakah hian Sainik leh election reimbursements te, NSS aṭanga kan beisei Cheng Vbch 53.02 leh EAP aṭanga kan beisei Cheng Vbch 96. 44 a awm bawk.
B. Capital Receipts:
28. Capital Receipt chu sum hlawm lian loan hmanga pûk aṭanga lak luh hi a ni a. RBI te, multilateral bank leh fina ncial institution hrang hrang aṭanga pûk an ni ber. Tin, Sorkar-in a thil neih a tihral ( disinvestments) aṭang leh, Cooperative Society te leh Sorkar hnathawkte
hnena loan a pek rulhna te hi Capital receipt- a chhiar an ni.
Public Debts:
Internal Debts :
29. Ram chhunga financial institution hrang hrang aṭ anga loan pûk hmanga sum hmuh tur chu Cheng Vbch 2, 479 . 00 ni tura ruahman a ni a. Internal debt-in a huamte chu Market loan cheng Vbch 1200.00 te, Nabard loan Cheng Vbch 270. 00 te, NCDC loan Cheng Vbch 5.00 te, REC loan Cheng Vbch 2.00 leh PFC loan Cheng Vbch 2.00 te a huam a. Hei bakah hian sum pek chhuah tur indaih lohna avanga RBI-in min ruahman sak Ways & Means Advance-ah Cheng Vbch 1, 000. 00 dah a ni bawk.
Loans and Advances:
30. Interest free loan, Special Assistance to States for Capital Investment (SASCI) aṭanga hmuh tur Cheng Vbch 200. 00 dah a ni. Pu Speaker, Central Sorkar-in kum lo kal tur atan sum hlawm lian tak SASC I hnuaiah hian a ruahman avangin tuna kan dah sa bakah pawh hian engemaw zat he package hnuaiah hian kan la hmu leh ngei ang tih ka beisei bawk a ni. Tin, Sorkar laipui aṭangin Block loan Cheng Vbch 10. 71 chu kan beisei bawk.
Recovery of Loans and Advances:
31. Sorkar hian Co-operative Society te hnenah te, Sorkar hnathawkte hnenah te loan a pe chhuak ṭhin a, chung loan rulhna aṭ ang chuan Cheng Vbch 33.60 hmuh let leh tura chhût a ni.
32. Capital Receipts aṭanga kum 2023- 24 chhunga sum hmuh tur zawng zawng chu Cheng Vbch 2, 723. 32 a ni a, kum kal meka projection Cheng Vbch 2,581.95 aiin 5.48% -in a sang zawk a ni.
33. Pu Speaker, Revenue section leh Capital section aṭanga sum hmuh tura beisei zawng zawng chu Cheng Vbch 14, 209. 95 a ni. Nikuma kan Budget Estimate pharh kha Cheng Vbch 14,008.15 a ni a. Nikuma project lian tham PM- DevINE aṭanga Cheng Vbch 600. 00 zat kan neih ang kha kuminah kan nei tawh lo na chungin, nikum budget aia Cheng Vbch 201. 80 zeta tam kan han pharh thei hi a lawmawm hle a ni.
II DISBURSEMENTS:
A. Revenue Expenditure:
34. Kum 2023- 24 chhunga Revenue Expenditure hnuaia sum hman tura kan ruahman chu (Deduct recoveries tel lovin) Cheng Vbch 11, 068. 76 a ni a, chu chu Budget Estimate pum pui aṭanga 78.10% a ni. Revenue Surplus chu Cheng Vbch 417.87 a ni ang.
35. Pu Speaker, tun ṭumah hian ka han tar lan duh chu State Sorkar-in sum a hai luh aṭanga a tam ber chu revenue section hnuaiah loh theih loha pek chhuah ngai, salaries leh wages te, pension te, buhfai, tui leh power subsidy atan te, interest payment atan te, power leina atan te, healthcare atan te, scheme ṭhenkhat, SSA hnuaia thawktute hlawh SMS pangngai kan pek baka “Top- up” share atan te hian hman a ni a.
36. Chuvangin Pu Speaker, Sorkar sum hman tur reng reng hi fimk hur leh ren taka hman a nih loh chuan sum indaih lohna phuhrûk turin pûk zel a ngai a, a hautak em em a ni. Engpawh nise Covid -19 avanga harsatnate kan pal tlang thawkhat tawh a, khaw chhak lam unaute buaina leh Ukraine indona avanga harsatna te pawh a zi aawm chho zelin a rinawm. Chutih lai chuan kan State Sorkar- in sum tam zawk kan thawh chhuah theihna turin policy decision khirhkhan zawkte pawh siam tura kan inbuatsaih chhoh zel a pawimawh dawn a ni.
B. Capital Expenditure:
37. Pu Speaker, ram hmasawnna kawnga kan hnathawhna tur, Capital Expenditure atana kan sum ruahman chu Cheng Vbch 3,141.19 a ni a, chu chu kan Gross total estimated expenditure atanga 21.90% a ni. Capital expenditure chu ramin Asset tam zawk, lands and buildin gs te, kawngpui siam leh lei dawh te, tui lakna kawng te, infiamna ruhrel te, thil siamna atana khawl ṭha zawk leina atana sum hlawm lian hman hi a ni a. Tar lan tawh angin, Central lamin an sum min pek te an pawh zim telh telh avangin, Capital investment atana sum theh chhuah tur ngaihtuah hi a pawimawh chho zel dawn a ni.
38. Tichuan, Revenue section leh Capital section hnuaia sum hman tura ruahman zawng zawng chu Cheng Vbch 14, 341. 95 a ni. Hemi aṭ ang hian FCS&CA hnuaia buhfai leina man leh P&S hnuaia Stati onery bungrua hralhna lo lut tur Cheng Vbch 132. 00 chu kan paih (deduction of recoveries) leh hnuah kan Net total Estimated Expenditure chu Cheng Vbch 14, 209.95 a ni.
III. SECTORAL ALLOCATIONS:
A. General Services Sector:
39. He Sector hi Sorkar inrelbawlna leh sum leh pai enkawlna kawnga Department pawimawh te an awm a, chungte chu Legislature te, General Administration leh District Administration te, Home te, Election te, Fiscal services (Finance and Accounts, Taxation, Land Revenue, Excise, Transport, Goods & Services) te an ni.
40. General Services Sector hnuaiah hian Cheng Vbch 5, 514. 54 dah a ni a, Budget pumpui aṭanga 38.45% a luah. Heng zinga Cheng Vbch 4367.54 chu Revenue section atan dah a ni a, Cheng Vbch 1, 147. 00 chu Ca pital section atan dah a ni.
B. Social Services Sector:
41. Social Services Sector chuan Education te, Water Supply and Sanitation, Local Administration and District Councils, Social Welfare leh a dangte a huam a.
42. He Sector hnuaiah hian Cheng Vbch 4,544. 60 dah a ni a , Budget pumpui aṭanga 31.69% a luah. Heta ṭanga Cheng Vbch 4, 077. 25 chu Revenue section-ah, Cheng Vbch 467.35 chu Capital section- ah dah a ni.
C. Economic Services Sector:
43. He Sector hian Agriculture and allied Services te, Rural Development te, Irrigation & Flood Control, Industries and Mineral, Communication, Science & Technology, Environment, Civil Supplies , etc. te a huam a ni.
44. He Sector atan hian Cheng Vbch 2,838.30 dah a ni a, Cheng Vbch 2,755.97 chu Revenue section atan, Cheng Vbch 82. 33 chu Capital section atan ruahman a ni a, Budget pumpui aṭanga 19. 79% a luah a ni.
IV. ALLOCATIONS PAWIMAWH DANGTE:
45. Pu Speaker, State resource aṭanga sum awm theite aṭ angin, ram chhung mipuite hmasawnna atan, Socio Economic Development Programme (SEDP) hnuaia hna hrang hrang thawhna atan Cheng Vbch 595. 00 dah turin ruahmanna ka rawn siam a, chu chuan a hnuaia mite hi a huam ang:
a. Cheng Vbch 220. 00 Scheme hrang hrang, CSS, EAP, NCDC etc, counterpart funding atan dah a ni a, hei hi kum kal meka hemi atana dah aiin Cheng Vbch 20.00 -in a tam zawk a ni.
b. Family Oriented Scheme atan Cheng Vbch 300. 00 dah a ni.
c. Cheng Vbch 50. 00 chu Health Care Scheme atan ruahman a ni.
d. Cheng Vbch 25. 00 chu untied SEDP atan dah a ni.
46. Pu Speaker, Covid hripui leng a lo reh thawkhat ta a, Mizoram State Lottery pawh thawh chhuah nei theia kalpui a lo ni chho leh ta a. The Mizoram Lotteries (Regulation) Rules, 2019 –in a phut angin mipuite tana a luan ve na pakhat atan Lottery sum thawh chhuah aṭanga Cheng Vbch 10.00 chu Mizoram Health Care Scheme atan ruahman a ni a, Finance Department hnuaiah dah a ni . Heti hian Health Care Scheme atana sum kan ruahman zawng zawng chu Cheng Vbch 60. 00 a lo ni ang.
47. Pu Speaker, Kumin 2023 chhunga Mizoram State General Assembly election November, 2023 - a lo awm tur atan Cheng Vbch 200.00 ruahman a ni a, a ṭul dan anga pek chhuah tur a ni.
48. Kum hmasa lama kan lo tih angin Cheng Vbch 5.00 chu MNF Returnees- te intundin lehna atan dah a ni.
49. MLA Local Area Development Fund atan nikuma kan dah zat Cheng Vbch 60. 00 dah leh a ni.
50. Pu Speaker, Central Government-in ti tura min tih angin Samagra Shiksha Abhiyan hnuaiah State matching share Cheng Vbch 38.27 chu a hranpain kum 2023- 24 atan dah a ni a. Hei bakah hian SSA hnuaia thawktute hlawh pung pekna tur “Top-up” SMS atan Cheng Vbch 52. 98 chu tun hnaia Council of Ministers-in a lo pass tawh angin dah a ni bawk. Heti hian Central share pangngai baka Samagra Shiksha Abhiyan hnuaia thawktute tana sum dah hran chu Cheng Vbch 91.25 a tling a ni.
51. Tin, Women & Child Development hnuaia ICDS -ahte hian CSS Scheme hnuaia hlawh la thin, Sorkar laipui lamin an Scheme an rawn tih tawp tawh hnua la rawih chhunzawm mi engemaw zat an awm a. Heng miten an hna an chhunzawm zel theih nan “ Top -up” SMS Cheng Vbch 8.03 chu dah a ni.
52. Sorkar laipui lamin a duh angin PMGSY project SMS atan a hranpain Cheng Vbch 33. 33 dah a ni bawk.
53. Pu Speaker, ṭhangtharte zinga lehkha thiam beiseiawm rualte All India Service leh Central Service dangahte an luh theih nana kan ruahmanna kal mek tihhlawhtlin nan Cheng Nuai 50.00 chu dah leh a ni. Hei hi a ṭul anga pek belh tur a ni ang.
54. Higher & Technical Department hnuaia College zirlaite’ n fee an pek hisapin Cheng Nuai 120. 00 chu heng College hrang hrang inenkawlna atan dah a ni.
55. Mizorama NGO hrang hrangte’ n khawtlang rawngbawlna an thawh ṭanpuina atan Cheng Nuai 50. 00 chu Art & Culture Department hnuaiah dah a ni. Tin, Chapchar Kût pualin Budget-ah head hran siam a ni a, Sorkarin ṭul a tih anga sum pawh dah zel theih tur a ni ang.
56. Covid- 19 hrileng chuan reh lam a pan zel a. Chutih rualin hemi atana emergency case lo awm zel thei tur venna atan Cheng Vbch 1.00 dah a ni.
57. Mipuite’ n hniang hnar taka power supply kan dawn theihna tur leh sumdawnna hrang hranga ṭangkaia hman turin Power purchase atan Cheng Vbch 400. 00 chu ka ruahman a. Hei bakah hian transmission charge atan Cheng Vbch 40. 00 chu dah hran a ni bawk.
58. Pu Speaker, PHE Department hnuaia Tui pump hna thawh nan Cheng Vbch 35.50 ka ruahman a. Hei hi kum kal meka hemi puala kan dah aiin Vbch 10. 00 -in a tam zawk a ni. Hei bakah hian Water Supply Scheme hrang hrangte maintain-na atan Cheng Vbch 27. 00 dah a ni bawk a, hei pawh hi kum kal meka sum dah aṭangin Cheng Vbch 2. 50 -in a pung bawk a ni.
59. District thar Rural Development Office hawn thar enkawlna atan Cheng Vbch 5. 76 dah a ni a. Tin, BDO Office hawn thar pahnih tan Cheng Nuai 20. 00 dah a ni bawk.
60. Pu Speaker, National Green Tribunal-in thu min pek angin Cheng Vbch 50. 45 chu ruahman a ni a. Hei hi Solid Waste Management-ah hma kan lak zelna atana hman ṭangkai nghal theih tura dah hran a ni.
61. Pu Speaker, Lunglei Municipal Council thar enkawlna atan kumin hian Cheng Nuai 128. 00 dah leh a ni.
V. CHARGED AND VOTED EXPENDITURE:
62. Kum 2023 -24 atana Gross Estimated Expenditure chu Cheng Vbch 14, 341. 95 a ni a. Foodstuff leh Stationery items a ṭanga recoveries Cheng Vbch 132. 00 kan paih hnuah, Net Estimate d Expenditure chu Cheng Vbch 14, 209. 95 a ni. Gross estimated expenditure aṭang hian Cheng Vbch 2,228.98 chu Charged Expenditure a ni a, Chumi bak zawng Cheng Vbch 12, 112. 97 ( deduct recoveries telin) chu Voted Expenditure a ni dawn a ni. Hei hi he House in a pass tur chu a ni ang.
VI. SUPPLEMENTARY DEMAND FOR GRANTS:
63. Pu Speaker, Revised Estimate 2022 -23 atan Supplementary Demand for Grant Cheng Vbch 3,265.69 mamawh a ni a. He House zahawm takin a pawm atan ka rawn pharh a ni.
64. Kan hriat ṭheuh angin, Sorkar laipui aṭangin, Scheme hrang hrang, a thar leh kal mekte pawh kalpuina turin sum ṭhahnem tak kan dawng ṭhin a. Hengte hi Centrally Sponsored Scheme ( CSS) an ni ber. Heng Scheme puala kan sum dawn tur beisei zat chu Cheng Vbch 540.08 a ni.
65. Chutih lai chuan Finance Department chuan Department hrang hrang aṭangin, Budget ruahman laia hriat lawk loh sum hmann a tur hrang hrang, State fund aṭanga pek chhuah turin dilna a dawng ṭhin a. Hei hi kumin chhungin Cheng Vbch 2725. 60 a tling. Heng zingah hian Cheng Vbch 1, 130. 29 zet chu a tira Budget Estimate -a dah sa, a hmanna tur ruahmanna leh Head of Account te siam rem a ngaih avangin Supplementary Demand hnuaiah dah luh a ngai bawk a ni. Heng pawisa siam rem zingah hian SEDP fund te, Sorkar hnathawk medical treatment te, Scheme hrang hrang atana Counterpart funding te, NABARD, SASC I, NCDC leh CAMPA fund te an tel a ni.
66. Heng tarlan baka State sum aṭanga mamawh tla chawp pek chhuahte chu Inter-State ramri buai kaihhnawih te, PHE Department tui pump-na te, Power purchase te, Autonomous District Council hnathawkte hlawh pek belh te, ZMC enkawlna sum te, Bye-elections leh roll revisions te, kan Police te State danga inthlan buaipuia zinte travelling expenses te, DRDA, RUSA, ICDS, Covid volunteers, etc te hlawh tur pek belh te an ni.
67. Supplementary Demand for Grant atana pharh Cheng Vbch 3,265.69 hnuaiah hian Cheng Vbch 124.33 chu Charged expenditure a ni a, Cheng Vbch 3, 141.36 Voted expenditure a ni.
CONCLUSION:
68. Pu Speaker, kum 2023 -24 atana Budget Estimate ( Charged Expediture atana estimate tel lovin) Cheng Vbch 12,112. 97 (Cheng Vaibelchhe Singkhat Sanghnih, Za Sawmpahnih leh Nuai Sawmkua Pasarih) chu he House zahawm taka sawiho tur leh pass turin ka rawn pharh e.
69. Tin, Pu Speaker, kum 2022 -23 chhunga Supplementary Demands for Grants hnuaia Voted Expenditure Cheng Vbch 3, 141. 36 ( Cheng Vaibelchhe Sangthum Za Sawmli Pakhat leh Nuai Sawmthum Paruk) chu he House zahawm takin a pawm turin ka han pharh bawk e.
Ka lawm e.
