Vawiin chawhma dar 11 khan Deputy Commissioner Saiha Pu  Kunal, IAS Office Chamber-ah Agriculture Technology Management Agency (ATMA) chuan District Bawrhsap kaihhruaina hnuaiah a vawikhatna atan meeting a nei a.
He meeting ah hian Pu Kunal, IAS chuan thusawiin ATMA chu Agriculture lama thiamna thar leh changkang ber ber te kuthnathawktute tan a chhawpchhuak saktu a ni, tiin ATMA hmang hian kut hnathawktuten hamthatna chhenfakawm an hmuh ngei a beisei thu a sawi.

He meeting ah hian District Agriculture Officer (DAO) Saiha, Addl. D.C. Saiha, ADC (P) bakah kuthnathawktu hrang hrang te an tel a ni. Meeting hian kumin chhunga ATMA hnuaia hman tur sum cheng nuai 11.43 an pawmpui bawk a ni.