No.6313/2020-2021

Khawzawl, the 21st October, 2020: Tukin khan Pu Zothanmawia, Deputy Commissioner leh Pu James Lalnithanga, SDO (Sadar) te kaihhruainain Khawzawl Road Protection Squad chuan ke in Khawzawl khawchhung kawngpui an fangkual leha, kawngpui nekchep zawnga hmalakna awmte an endik a ni.

Kawngpui endik hi zing dar 6:30 ah tan niin, DC hovin member thenkhatin Lungvar an fang a, SDO (Sadar) leh member thenkhatin Kawnzar area an endik thung a ni. Road Protection Squad-te hi Village Council leh YMA hruaituten an area chin theuhah an lo tawiawm bawk a ni.

Road Protection Squad hian vantlang leh kawngpui tana hnawk leh kawngpui tihmelhem zawnga chetlakna awmte, kawngpui tichep zawnga hnawmhnawk siam hrang hrangte an endik a. Ngaimawhawm chin mi 20 chuangte chu senghawi tur leh chhunzawm lo turin a hmunah hrilh nghal niin, Road Protection Squad hminga lehkha pek zel an ni bawk.

Khawzawl khawchhung kawngpui endik hi July thla khan a thawhkhatna neih niin, kar hmasaah a thawhhnihna neih a lo ni tawh bawk a ni. Khawzawl khawpui chhung kawng pawimawh zual chin chu endik vek tawh niin, kawng lun lo zawkte pawh endik tum a ni a, a tul leh remchan dan ang zelin hmalak chhunzawm tum a ni.