No.6312/2020-2021

Vawiin khan DRDA Conference Hall, Lunglei ah Pu R. Vanrengpuia, Addl. Deputy Commissioner, Lunglei kaihhruaiin District Consultative Committee/District Level Review Committee/District Level Security Committee Quarter Ended June 2020 meeting neih a ni. Meeting ah hian District Lead Bank, NABARD, Bank hrang hrang manager-te leh Line Department hrang hrang aiawh te an tel a ni.

Pu R. Vanrengpuia chuan Bank-te chu ram hmasawnna hnathawktu pawimawh tak an nih thu sawiin Bank manager kalkhawmte chu an Bank hmalakna apiang ah mipui hmasawnna leh an hamthatna dah pawimawh hmasa ber thin turin a chah a. Kawng hrang hranga Lunglei District ti hmasawn turin Bank leh Line Department tangkawp ten theihtawp chhuaha hma an lak a tul takzet a ni, a ti. Bank hrang hrang leh Department hrang hrang thawhhona leh hmalakna zarah Prime Minister Award dawng thei tura tel theina hun an neih avangin lawmthu a sawi bawk a ni.

He meeting a pharh June 2020 quarter tawp a Lunglei District chhunga bank hrang hrang te hmalakna tlangpui chu hetiang hi a ni.

Bank hrang hrang ten Bank Security an neih bakah CCTV, Fire Extinguisher, Alarm System leh Police patrol log book te dahin an enkawl that thu tarlan a ni a. Lunglei Police te nen hemi kawnga thawhhona tha tak an neih thu tarlan a ni. ATM Booth tin ah Hand Sanitizer dah theuh tur tih ani bawk.

Currency Management- Remittance issues leh pawisa chhia thleng chungchang ah Bank ah harsatna a awm loh thu sawi a ni.

Women Self Helf Group MZSRLM-te pawhin hrileng avangin hma an lak chaklo thu an sawiin Lunglei Rural Development Block hnuaiah in register 121 awmin , credit link thar 5 awm thu tarlan a ni.

Credit Deposit Ratio (CD Ratio – Bank in Deposit a dawn atanga loan a pekchhuah zat) chu March 2020 ah 53.22% niin June 2020 Quarter ah 46.98% a ni. National Benchmark 60 % phak tura tih anih laiin target kan pha lo hle a, tan lak a ngaih thu tarlan a ni bawk. Prime Ministers Employment Generation Programme - PMEGP ah hmalakna a tha thawkhat a June 2020 Quarter ah cheng nuai 38. 56 loan pekchhuah a ni.

Sawrkar laipui hmalakna khawpuia chengte in sak tanpuina Pradhan Mantri Awas Yojana hnuaia Housing Loan chu Bank thenkhatin an tih that viau laiin Bank thenkhat te chu tan an lak a tul thu tarlan a ni a. June 2020 Quarter atan UD&PA Department chuan PMAY loan dilna 121 theh luh anih thu an sawi.

AH&Vety. leh Fishery lama tui farmer ten KCC loan an lak theihnan Bank dawr pui turin line Dept. te an chah an ni.

A chunga loan tarlan te khi Lunglei District huam chhunga Bank 19- SBI Lunglei, SBI Chanmari, SBI Tlabung, SBI AOC Square, AXIS Bank, Canara Bank, HDFC Bank, IDBI Bank, Syndicate Bank, United Bank of India, MRB Buarpui, MRB Bunghmun, MRB Haulawng, MRB Lunglawn, MRB Lunglei, MRB Lungsen, MRB Serkawn, MCAB Zobawk leh MCAB Lunglei te pek chhuah a ni.