Chief Minister Pu Lal Thanhawla chuan Traffic Rules ngaihpawimawh thar tlan a tul zia leh, accident tam tak pumpelh tur chuan sorkar department mai bakah lirthei khalh zirte leh zirtirtute pawhin dan an hriatchian a pawimawh a ni, a ti. He thu hi vawiina GIG Motors Showroom, Edenthar ami a hawnna ah a sawi a ni.

 Chief Minister chuan khawtlangin thil tha a neih dawn chuan a chhawr tangkai tur khua leh tui ten dan an zawm a pawimawh a, dan zawm that loh erawh chuan mipui tan harsatna a thlen thin a ni, a ti a. Lirthei neitute chu sawrkarin a dahna hmun garage nei ngei turin a phut laiin hmun tam takah kawngpui dunga mahni lirthei hun ching an la tam avangin khawpui chhung kawng a zim phah hle niin a sawi. Chief Minister Pu Lal Thanhawla chuan mahni thawhchhuah mil a chhungkaw inrelbawl thiam a pawimawhzia sawi bawkin, mahni phak tawk ang zela thil neih chu a zahawm a ni, a ti.

GIG Motors hian CM Relief Fund a chhunluh atan Chief Minister hnenah hian pawisa cheng nuai khat an hlan bawk a ni.