Nimin khan Chief Controller of Accounts Office, Accounts & Treasuries Department  chuan Annual Work Review Pu Ramchuana, Chief Controller Of Accounts hovin an nei a. April, 2017 atanga March , 2018 chhunga an hnathawh dan thlirhona neiin Section hrang hrang atangin report ngaihthlak a ni a, hetiang hi an dinhmun tlangpui a ni.

Kum 2017-2018 chhunga Lehkha (New dak) an dawn zawng zawng hi 92583 a ni a, Dak (lehkha) 47961 thawnchhuah a ni bawk a. Sawrkar hnathawk ten in sakna tur Sawrkar atanga loan an dil thin House Building Advance (HBA) Code number pek thar tur an dawn 430 atangin 424 an ti fel a. April, 2017- March, 2018 chhung hian pension case 3426 an dawng a, heta tang hian case 2604 an ti fel a ni. Pension Payment Order (PPO) hi case 1875 an dawng a, heta tang hian Case 1856 an ti fel hman bawk. Group ‘B’ leh a hnuai lam te Pay Fixation ngai 796 an dawng a, heng hi an chingfel vek bawk a. Village Council Audit nei turin 333 an target a nihlaiin target khumin khaw 341 lai an Audit hman bawk. Gazetted Officer te Pay Slip te, an Leave dilna, etc., te hi Case 12,364 an ti fel a, chubakah Service card/Service Statement 5117 an update bawk a ni. Report a alan danin Mizoram pumah Treasury 10 leh DDO 571 an awm a, Mizoram pawnah DDO 5 a awm bawk a ni. Tunah hian Mizoram sawrkar hnathawk zingah GPF Subscriber 35,057 an awm mek a. Report hun chhung hian Accounts & Treasuries  Office hian Final Payment case 1638 an dawn atangin 1563 an tifel a. DLI ah 423 an dawn chu an tifel vek bawk a ni. Hei bakah hian GPF Account Number mi 448 an pe thar bawk a, Nomination thlak mi 408 an awm bawk a ni. April, 2017-March, 2018 chhung hian New pension System hnuaiah PPAN 957 leh PRAN 1460 an pe thar bawk a, DDO Code pek thar 13 a awm bawk a ni.

Hemi hnu hian Officers &Staff Welfare General Body Meeeting neih zui leh a ni a, Constitution siam that ngai laite siam that a ni a, tlaiah chawhlui kil hona neih nghal a ni bawk.