Pu Lalsawta, Planning Minister leh Directorate of Agriculture (Research & Extension) hotuten NEDP hnuaia hmalakna te leh hmachhawpte vawiin khan Minister Office ah an sawiho.

Sawihonaah hian Dr. Saithantluanga, Director chuan an hmalak tawhna te sawiin, Mizorama thlai chi hrang hrang kan neihte hi hlawk leh zuala kalpui anih theihnan zirbingna (research) uar tul a tih thu a sawi a. Germplasm humhalh tum anih dan te sawi bawkin Mizorama thlai kan chin thinte hi a bo mai lohna turin ICAR leh Protection of Plant Variety & Farmers Right Authority  ten hma an lo lak tawh thu te a tarlang a. French Bean, Vaimim leh Hmarcha chi hrang hrangte chu National Bureau of Plant Genetic Research Centre a thehlu anih tawh thute a sawi bawk a ni. Hengte bakah hian thlai kan chin thin te  hi state variety anga hriatpui anih thiehna turin departmentin State Variety Release Committee din tum mek anih thu a sawilang bawk.

Sawihonaah hian departmentin state priotized strategy zinga organic farming, seed certification leh climate change impact adaptation and mitigation a tel thu te sawilan a ni bawk.