2771/2023-2024

Aizawl, 09.11.2023: Sr. SP Traffic, Aizawl District chuan a hnuai a mi ang hian Adaptive Traffic Control System, Aizawl Smart City Ltd. hmalakna enchinna neih tur chungchangah mipui hriattirna a chhuah:

Aizawl khawpui hmasawn zel theih nan Aizawl Smart City Ltd-in traffic enkawlna felfai leh tha zawk a awm theih nana a ruahman – Adaptive Traffic Control System (ATCS), traffic signal light  (a sen, a eng leh a hring) hmanga lirthei tlan dan enkawl na tura Bazar Bungkawn leh Bawngkawn, Sairang penga a dahte chu ni 13.11.2023 (Thawhtanni) atangin inzirtirna leh enchhinna hun hman tur a ni. He enchhinna hi chawhma Dar 11:00 atanga chawhnu Dar 3:00 thleng neih thin tur a ni.

He enchhinna hi tluang taka kalpui a nih theih nan leh traffic signal light  hi Aizawl khawpuiah engtiang chiaha hman tur nge hriat a nih theih nan lirthei khalhtute’n a hnuaia traffic signal light awmzia lo hre thar tur leh Traffic Police duty-te thu ngaichang turin kan inhriattir a, enchhin laia signal light zawmlote chu MV Act hnuaiah hrem theih an ni ang.

Traffic Signal Light

A awmzia leh kan tihtur 

Rawng sen (Red)

Signal light chu a ‘sen’ chuan lirthei tlan laite chu din tur a ni. Kawngpui vang tan zawnga rawng vara rin; STOP tih inziahna ah din tan tur a ni ang.  

Rawng eng (Yellow)

Signal light ‘eng’ (Yellow light) hi ding tûra hriattirna; Êng sen (Red light) rawn êng mai tûr hriattirna (warning) a ni a. Chuvangin light Èng a rawn ên chuan tlan muan nghal a, ding tûra inpuahchah tûr a ni. Din thut tûr erawh a ni lo, zawi muanga (stopping line pel lo va) din tûr a ni. 

Rawng hring (Green) 

Signal light chu a ‘hring’ a nih chuan tlan tur a ni.  

Traffic signal light  hman dan video clip leh thlalak te hi Aizawl Traffic official Facebook Group “Aizawl Traffic Police” ah en theih a ni a, lirthei khalhtute’n zawm theuh tur leh kan tlan theih huna tlan mai thei turin countdown timer uluk taka en turin kan inhriattir a, khual khua atanga Aizawla zin te pawhin zawm vek tur a ni.