2460/2025-2026

Dated Serchhip, the 17^th September, 2025: Vawiin khan Serchhip BDO Conference Hall-ah Sawrkar laipui hnuaia Ministry of Tribal Affairs hmalakna kal mek pakhat 'Adi Karmayogi Abhiyan’ hnuaia District Process Lab hawnna hun hman niin, Serchhip Addl DC  Pu Lalrinzuala chu khuallian a ni.

He hun hi SDC Dr Marylin Lalruatkimi, Adi Karmayogi Abhiyan Nodal Officer ni bawk chuan a kaihruai a. District Process Lab tih hmingpuin ‘Block Level  Master Trainer Training’ neih a ni.

Serchhip Addl DC Pu Lalrinzuala chuan hawnna thu sawiin kum 2030 ah chuan India rama thingtlang khua leh Tribal mipuiten hmasawnna hmel thar an hmuh  theihna turin Sawrkar laipui chuan ‘Vision 2030’ a duang a,  chumi hlawhtlin nan he scheme 'Adi Karmayogi Abhiyan’ pawh hi kalpui a ni, a ti. Sawrkar Laipui chuan he scheme hi a ngai pawimawh  hle a, PM office atanga uluk taka vil (Monitor) reng a nih dawn thu a sawi bawk. Addl DC chuan Sawrkar hnathawkte chu  mahni hamthatna tur dahtha a, mipui te  tana thawktu tur an nih thu leh thupetu chauh nilo a, mipuite kaihruaitu tur Tribal Grassroot Leader tha chherchhuak turin a chah a. Block Level Master Trainer te chu   Block leh Village a thawktu tak tak tur te an nih dawn  avangin taima leh uluk taka training turin a fuih a ni.

District Master Trainer Pu Stephen Laltlansanga Auhmun chuan Adi Karmayogi Abhigyan awmzia leh a tum te a sawi fiah a. Pi C Laldinpuii, District Master Trainer in lawmthu sawiin he Training hawnna programme tawi hi a khar a ni.

District Process Lab-a tel te hi Serchhip leh E.Lungdar RD Block-a  line department  atangin mi 6 ve ve, an vaiin mi 12 an ni a. Riak lutin ni 3 chhung an training dawn a ni.