3952/2023-2024

Aizawl, 24.02.2024: Ministry of Information & Broadcasting, Govt of India, hnuaia Central Bureau of Communication, Aizawl Office chuan Integrated Communication & Outreach Programme and Photo Exhibition on “9 Years of Seva, Sushasan & Garib Kalyan” programme chu vawiin khan Chawlhmun Community ah a buatsaih a. He hunah hian Adviser to CM (Finance & Planning), Pu TBC Lalvenchhunga chu khuallian niin, Photo Exhibition hawnna hun hman a ni.

Adviser to CM chuan Seva Sushasan Garib Kalyan awmzia te sawifiahin, Central Sorkar hnathawh te leh schemes hrang hrang puanzar na hun tha tak buatsaih theih ani chu lawmawm a tih thu a sawi a. Mizoram tan Central Schemes hrang hrang te chu hai rual loh a an pawimawh thu a sawi a. A mamawh tak tak ten sawrkar hmalakna an dawn theih nan puanzar deuh deuh a tul a tih thu a sawi bawk.

Pu TBC Lalvenchhunga chuan Mizoram CM chuan sorkar hna thawh hrang hrang “convergence” a ngaipawimawh  tih a sawi a. Mizoram mipui te tan a that zawk nan Central leh Mizoram hmalakna te a theih ang a converge a tul thu a sawi bawk a ni. Central Bureau of Communication, Aizawl chu an office in manpower te an nei lo chungin programme tha tak an buatsaih thei chu fakawm a tih thu a sawi a. Mipui ten central sorkar schemes te a zau zawk a an hriat theih nan tun aia chak zawka an kal a duh thu sawiin, Aizawl pawn ah te in zar pharh turin a chah a ni.

Vawiin programme ah hian Resource Person - Dr H. Lalzuithangi, Associate Professor, Hrangbana College chuan Central Sorkar Flagship Schemes hrang hrang chungchang sawizauna a nei a.

Photo exhibition hi February ni 24 atanga 26, 2024 thleng awh tur a ni.