3950/2022-2023
Pi Ramdinliani, District Magistrate, Lunglei District chuan Lunglei District chhunga African Swine Fever (ASF) avanga inkhuahkhirhna hman mekte tihdanglamna thupek chu 22nd March, 2023 khan a chhuah.
Government of Mizoram, Disaster Management & Rehabilitation Department Order No.B.11015/5/2020-DMR dated 02.12.2022 in a tarlan angin leh, Mizoram hmun hrang hrangah vawk pul hri, African Swine Fever (ASF) leng chuan ziaawm lam a pan chhoh tak zel avang leh mipuiten harsatna kan tawhte chhawk zangkhai a nih theih nan Lunglei District chhunga ASF avanga inkhuahkhirhna hman mekte tihdanglamna thupek chhuah a tul a.
Chuvangin kei, Ramdinliani, District Magistrate, Lunglei District hian Section 144 of CrPC 1973 in thuneihna min pek angin a hnuaia ami ang hian thupek ka chhuah e:-
1. Lunglei District huamchhungah ASF hrilen lohna khua/ vengte inkarah vawk leh vawksa inlak tawn theih a ni.
2. ASF hrilen lohna District dang atang chauhin vawk leh vawksa lakluh theih a ni.
3. ASF hri avanga 'Infected Area-a' puan tawhnaah ASF avanga vawk thi thla 1 (khat) chhung a awm tawh loh chuan vawk talh leh a sa zawrh phal a ni ang.
4. ASF avanga vawk thite awmna in/hmun/farm ngun taka disinfectant hmanga sawngbawla tihfai tawhna hmun chu thla 3 (thum) ral hnuah vawk dah luh theih a ni.
5. Vawk tana hri hlauhawm a len mai loh nan vantlang kawng leh ram hrulah vawk talh leh sawngbawl phal a ni lo.
6. Chhan leh vang hriatloh avanga vawk thi reng reng VC/YMA kaltlangin AH & Vety Department hotute hnenah thlen/ hriattir vat thin tur a ni a, chutianga thi reng reng chu paih mai lovin chinai nen thuk taka phum tur a ni.
