2703/2024-2025
Dated Kolasib; the 25th October, 2024: Mizoram chhung hmun hrang hrangah African Swine Fever (ASF) hri a leng mek a, State Disaster Management Authority chuan African Swine Fever hi Mizoram State Specitic Disaster a nih thu a puanga, tunah hian kan District huamchhunga Hortoki khua hi District AH & Vety Officer Kolasib chuan vawk hri lenna hmun Infected Area a ni tih ni 17 October, 2024 khan a puang a, hetiang alo nih tak avang hian Notification No.286/2024-2025 (Notification on Guidelines for Disaster Relief of ASF) Dt. 14.10.2024 khan Department of Disaster Management & Rehabilitation Mizoram chuan Point No. 4 hmanga Deputy Commissioner ten khapna thupck chhuah tura a tih angin ASF hri alo darh zau zel lohna turin thupek chhuah a tul a. Chuvangin, Pu Robert C. Lalhmangaiha, District Magistrate, Kolasib District, Kolasib chuan Section 163 of Bharatiya Nagarik Suraksha Sanhita, 2023 in thuneihna a pek angin hetiang hían thupek a chhuah:
1. Infected area chhungah Vawk dam tha lai leh dam lo talh khap tlat a ni.
2. Infected area atangin Vawk, Vawksa, Vawksa rep leh Vawksa atanga thil siam reng reng lakchhuah khap tlat a ni.
3. Vawk thi reng reng paih mai lovin thuk takah chinai nen phum tur a ni.
4. Vawk thi reng reng Vety Department ah report ngei ngei tur a ni.
5. Hri darh zel tur ven nan Vawk suat duh ten AH & Vety. Department Kolasib ah dilna an thehlut tur a ni.
He thupek hian chhuah anih atanga ní 60 chhung a huam anga, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ní ang.
He thupek hi ni 24 October, 2024 khan Court Seal nen nemnghetin hming a ziah hnan a ni.
