160/2025-2026
Lawngtlai, 12th April 2025 : Lawngtlai District chhung hmun thenkhata vawk pûl hri leng chungchangah Lawngtlai Bawrhsap chuan a hnuaia mi ang hian thuchhuah a siam.
ORDER
Tun lai hian Lawngtlai District chhung hmun thenkhatah Vawk pûl hri African Swine Fever (ASF) leng mek tih hriat a nih avanga Order No. J. 11013/1/2014-DC(LTI) Dated 24th January 2025- a lo chhuah tawh chu siam that nan he order hi chhuah leh a ni. African Swine Fever (ASF ) hian vawk vulh leh sa zuara eizawngte tan harsatna tam tak a thlen theih avangin leh 'The Prevention and Contol of Infectious and Contagious Diseases in Animal Act, 2009' in a sawi angin Lawngtlai District chhungah Vawk vulhte an lo him zawk nan thupek chhuah a tul a hriat a ni.
Chuvangin kei, CHEEMALA SIVA GOPAL REDDY, IAS, DISTRICT MAGISTRATE, LAWNGTLAI DISTRICT, LAWNGTLAI chuan Section 163, Bharatiya Nagarik Suraksha Sanhita, 2023 ( BNSS) in thuneihna min pek angin a hnuaia thupek hi ka chhuah e.
1. Lawngtlai District pawn/ Ram dang atangin vawk lakluh khap tlat a ni.
2. Infected Area- a puan tawh reng reng atangin vawk leh vawksa atanga siam reng reng lakluh leh thawnchhuah khap tlat a ni.
3. Vawk damlo reng reng talh leh hralh khap tlat a ni.
4. Vawk talhtuten AH & Vety. Department- in a dam tha ngei a ni tih a hriatpuina (Certificate) nei chauhin an talh tur a ni.
5. Vawk damlo thi an awmin, AH & Veterinary Department - ah hriattir thin tur a ni.
6.Vawk thi reng reng thûk takah bleaching leh chinai nen phum zel tur a ni.
7. Vawk suat tur nei chuan District Vety Officer, Lawngtlai phalna lak hmasak zel tur a ni.
He thupek zawm lo te chu Section 223, Bharatiya Nyaya Sanhita, 2023 (BNS) hmang a hrem an ni ang.
He thupek hian chhuah a nih atang a thla hnih (2) chhung a huam ang.
He thupek hi vawiin date 12.03.2025 hian District Magistrate Seal- a nemnghetin hming ka ziah hnan e.
Sd/-
Cheemala Siva Gopal Reddy, IAS
District Magistrate
Lawngtlai District, Lawngtlai
