3954/2022-2023

Champhai, the 23rd March, 2023: African Swine Fever (ASF) laka Champhai District him tlan nan Champhai District Magistrate, Pu James Lalrinchhana chuan Sec. 144 CrPC, 1973 (Act II of 1973) in thuneihna a pek angin hetiang hian thupek a chhuah:

1) Champhai District chhungah ram dang leh State dang atanga vawk, vawksa leh vawksa atanga siam reng reng lakluh phal a ni lo

2) Vawk damlo talh khap tlat a ni

3) Vawk damlo a awm chuan dah hran vat a, vawk thi reng reng thuk taka phum tur a ni

4) Vawk thi leh damlo an awmin A.H. & Vety Department Official-te hriattir vat tur a ni

Thuchhuah chuan vawk natna hri lakah Champhai District chu him angin lang rih mah se, African Swine Fever (ASF) chu state dang leh ram dang atanga rawn thleng leh thei reng anih avanga him tlan nana hmalak a tul thu a tarlang a. Thupek zawm lo tu chu IPC Sec. 188 hmanga hrem an nih theih thu leh thupek chuan chhuah a nih atanga thla hnih (2) chhung a huam dawn thu tarlan a ni bawk.