3955/2022-2023
Sub-rule (1) of Rule 3 and Rule 37 of the Mara Autonomous District Council (Election to Village Councils) Rules, 2014 leh Section 3 of the Mara Autonomous District (Village Councils) (Amendment) Act, 1974 as amended in inthlan buatsaih tur a thuneihna a pek ang in State Election Commission, Mizoram chuan Mara Autonomous District Council hnuaia Village Councils 99-ah Inthlanpui hi ni 18th April, 2023 hian a buatsaih dawn a ni.
1. Electoral Data :- Mara Autonomous District Council hnuaia Village Council 99-ah hian ni 1.1.2023 qualifying date-a hmangin, ni 18.02.2023 atanga ni 10.03.2023 chhung khan Electoral Rolls ennawnna hna uluk taka thawh a ni. Final Electoral Rolls hi ni 17.03.2023 khan tihchhuah a ni a, vote nei thei mi 43120 an awm a, heng zinga mi 20794 hi mipa an ni a, 22326 hi hmeichhia an ni.
2. Identification of Electors : Vote thlak turte chuan an nihna tichiang turin Election Commission of India-in an siam EPIC an keng ngei tur a ni a, an neilo anih chuan mahni nihna ti chiang thei tur Identity Card dang ah keng tur a ni.
Vote thlak anih dawn in vote - ‘neitu dik tak a ni’ tih chian theih anih loh chuan vote an thlak ve thei lovang.
3. Dan leh thupek : Inthlanna felfai leh muanawm kan neih theih nan dan leh thupek kengkawh turin District Magistrate leh Superintendent of Police-te beisei an ni a. Eng thil mahin Inthlanna hi a tibuai tur a ni lo.
4. Election Officials : Deputy Commissioner, Siaha District chu District Election Officer (DEO) atana ruat a ni a, amah puitu atan Addl. Deputy Commissioner, Siaha chu Asst. District Election Officer (ADEO) atan ruat a ni bawk. Inthlanna buaipuitu atan Returning Officer-te ruat an ni a, Presiding Officer leh Polling Officer-te ruat an ni bawk ang.
5. Conduct of Officials : State Election Commission chuan inthlan a buatsaihna a mawhphurtu tupawhin duh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni. An zavai hian inthlan zawh hma chu State Election Commission hnuaiah deputation a kal anga ngaih an ni a, Commission thuneihna hnuaiah an thawk a ni. Heng bakah hian MADC huamchhunga Sawrkar hnathawk zawng zawngte chu Election Schedule puan atanga Election process zawh thlenga Sawrkar hnathawkte zawm tur State Election Commission-in a tihchhuah Code of Conduct chu zawm ngei tura beisei an ni.
