Vawiin chawhma ah khan an Department Conference Hall ah Agriculture Department hnathawk te chuan World No Tobacco Day an hmang a. He hunah hian vaihlo hmuam leh zuk in hriselna a tihchhiat dan te inzirtir in an zinga mi thenkhat chuan vaihlo khawih tawh lo tura intiamna te an nei a ni.
Dr. C. Lalzarliana, Director of Agriculture (Crop Husbandry) chuan programme hi kaihruaiin , Mizoram State Tobacco Control Society hotute hnen atangin zirtirna an dawng a ni. , Mizoram State Tobacco Control Society report in a tarlan dan chuan Vaihlo ah hian chemical 7,000 chuang awmin Cancer awmtir thei 80 aia tam a awm a. Vaihlo-a Nicotine awm hi Addict awl tak a nih thu a tarlang in World Health Organization pawhin meizu mite hi Drug tite nen huang khatah a dah thu a tarlang bawk a ni.
