Inrinni kalta (30.5.2015) khan Kawrtethawveng Branch Y.M.A Library building chu  Director Art & Culture Pu.R.Hmingthanzuala'n a hawng.

Pu Hmingthanzuala.chuan YMA te'n Library building tha tak an sa thei chu lawmawm tiin YMA member te leh thalai ten Library lo ngaihlu chhunzawm zel turin a chah a ni.

Kawrtethawveng YMA Library building thar hi Raja Ram Mohan Roy Library Foundation ( RRRLF ) atanga sum hmuh hmanga sak a ni a. Tun dinhmunah library member 44 leh lehkhabu 2300 chuang hret an nei mek. He library hi 1974 Sept,30 daih tawha din a ni a, 1996 March thla atang khan State leh Central hnuaiah Recognised Rural Library a ni.

Art & Culture Director hi Mizoram State Library atangin Pu Lalramliana leh Mizoram Library Association President Dr.Lawmzuala ten an tawiawm a ni.