World No Tabacco Day 2015 chu Vawiin khan Mamit DC Conference Hall, ah Mamit District Anti Tabacco Day Chairman Pu Vanlalngaihsaka, District Bawrhsap Mamit hovin hman a ni.

Chairman District Bawrsap chuan World No Tobacco Day 2015 chu a ni tak 31 May chu Sunday a nih avangin 1 June (Monday) a hman a nih thusawiin he hun hmang tura kalkhawm zawng zawng hnenah lawmthu a sawi a, PI J.H Lalparmawii IPRO, Member,  Mamit District Anti Tobacco Squad in kumina World No Tobacco Day thupui ‘Stop illicit trade of Products’  hmangin thusawina a nei a, Vaihlo in hriselna a nghawng dan tarlanna awm lo ramdanga atanga cigarette lak luh leh zawrh khap te, naupang kum 18 hnuailam hnenah vaihlo a siam engpawh hralh a khap tlat a nih dan leh Zirna In atanga yard 100 huamchhungah vaihlo zawrh phal a nih loh dan te sawi zauna a nei bawk.

Dr Hmingthanmawii Member Secretary, Mamit District Anti Tobacco Squad in report pein 2014 June atangin Squad Drive vawi 16 neih a ni tawh a, COTPA Act hrang hrang hnuaiah beihpui thlak thin a ni a, Dan kalh a puipunna hmuna meizu mi 30 man niin pawisa chawitir an ni a, Local Tobacco Product Zozial leh Sahdah Zuartu te hnenah te Pictorial Health Warning tar vek tur a tih an ni, hei bakah hian Ram dang atanga cigarette lak luh Farstar, Hammer etc. ah te hian Pictorial Health Warning awm lo a nih avangin zawrh chhuah phal a ni lova dan kalha zuartute hnen atangin cartoon 20 man a ni bawk, sawrkar thuchhuak angin ramchhungah hian Gutkha Products (Sikhar, Tiranga, Zarda) te hi zawrh khap an ni a, he mi bawhzui hian Anti Tobacco Squad leh District Food & Drugs Administration hnuala Assistant Director te tangkawpin Squad Drive neih a ni a, Shikhar- 31 packets leh S-Four 39 packets man a ni.

World No Tobacco Day bmanna ah hian Sawrkar Department hrang hrang aiawh te leh Mamit khawchhunga Dawr kai te an tel a ni.