Reang (Bru) Laklet chungchangah District Level Core Committee te an Chairman Mamit DC Pu Vanlalngaihsaka hovin District a sawrkar Department hrang hrangte inpuahchah dan thlirhona leh sawihona neih a ni.

Pu Vanlalngaihsaka chuan Reang (Bru) te lo let tur hian engkim peihfel a nih tawh thu sawiin 2nd June atangin endik hna Kaskau Camp atang tan a nih tur thu a sawi a, Mamit District -a lo let tur hian chhungkaw 2594 beisei an nih thu a sawi bawk.

Endik hna thawk tur hian Mamit atangTeam 3 SDC kaihhruaina hnuaiah an kal anga, Kolasib leh Lunglei atang Team hi an kal bawk ang. Tarlan tawh angin Kaskau Camp-ah Identification hi tan tan a ni anga, ruahman dan chuan 8th June ah laklet hi tan theih tura duan a ni.

Venhim hna hi Mamit District chhunga Police te bakah 4th IR leh 5,h IR ten an thawk dawn a ni.

Vawiin Meeting-ah hian District Level Core Commtee Member te, Lunglei DC leh Kolasib DC office atangin official te an tel bakah Home Department lam tangin Dy- Secretary leh OSD an tel bawk.

Vawiin vek hian Reang (Bru) te Mizoram mi ngei an ni nge ni lo enfiah hnathawk a kal tur leh a lakletna a tel tur zawng zawngte tan tih tur inhriihhriatna hun neih nghal a ni a, Reang (Bru) lakletna a kaltur zawng zawngte hi Pu V. Lalkima, Mamit Bialtu Pastor in tawngtaina in a thlah a ni.

Attachment

  • Loading attachment...